Hillary Clinton hefur snúið aftur í stjórnmálin með nýrri stjórnmálahreyfingu sem kallast Onward Together en hreyfingunni er ætlað að hvetja fólk til stjórnmálaþátttöku og að bjóða sig fram til opinberra embætta. Þetta kemur fram á fréttavef breska dagblaðsins Daily Telegraph en Clinton greinir frá þessu meðal annars á samfélagsmiðlinum Twitter.

Lítið hefur farið fyrir Clinton síðan hún laut í lægra haldi fyrir Donald Trump í forsetakosningunum í Bandaríkjunum á síðasta ári. Fram kemur í fréttinni að svo virðist sem hreyfingunni sé þó einkum ætlað að hvetja þá til þátttöku í stjórnmálum og til að bjóða sig fram sem eru sammála hugmyndafræði og áherslum bandarískra demókrata.

Þannig segir á vefsíðu hreyfingarinnar að markmið hennar sé að vinna að þeirri hugsjón sem hafi fengið stuðning tæplega 66 milljóna atkvæða í síðustu kosningum en það er sá fjöldi sem kaus Clinton. Ekki er minnst á Trump með nafni en ljóst er af efni vefsíðunnar að hreyfingunni er ætlað að berjast gegn áherslum forsetans.

Tengdar fréttir

Donald Trump fyrrverandi Bandaríkjaforseti

Sá grunaði vildi berjast fyrir Úkraínu

• Leyniþjónustan skaut á byssumanninn
• Trump virðist hafa verið sýnt banatilræði
• Einn handtekinn og lagt hald á byssu
• Trump óhultur: Byssuhvellir í nágrenni við hann

» Fleiri tengdar fréttir

• Blogga um frétt