„Vel heppnað“ eldflaugaskot staðfest
Setja bókamerki
Ríkisfjölmiðill Norður-Kóreu hefur staðfest „vel heppnað“ skot meðaldrægrar eldflaugar. Þar kemur einnig fram að vopnið sé núna tilbúið til notkunar í hernaði.
Kim Jong-un, leiðtogi Norður-Kóreu, hafði yfirumsjón með skotinu.
„Þar sem hernaðarfræðileg og tæknileg gögn standast kröfur flokksins er mælt með því að þessi eldflaug verði fjöldaframleidd með hraði til að vopnavæða KPA-herliðið,“ sagði Kim Jong-un og átti við norðurkóreska herinn.
Öryggisráð Sameinuðu þjóðanna ákvað fyrr í dag að hittast á þriðjudaginn vegna eldflaugatilraunarinnar sem norðurkóresk stjórnvöld hafa núna staðfest að hafi átt sér stað.
Eldlauginni var skotið frá Pukchang í suðurhluta Pyongan-héraðs og ferðaðist hún um 500 kílómetra áður en hún lenti í Japanshafi.
Aðeins ein vika er liðin síðan Norður-Kórea skaut annarri eldflaug sem ferðaðist tæplega 800 kílómetra og er hún þannig gerð að hún getur borið með sér „þunga“ kjarnaodda.
Vangaveltur gengu lengra en innistæða var fyrir
Birtu ekki dóm yfir fyrrverandi forseta bæjarstjórnar
Glæpastarfsemi orðin mun skipulagðari
Vendingar vestanhafs geti haft áhrif hér heima
Björninn sagður nálægt byggð
Lögreglan leitar eftir myndefni í tengslum við andlátið
Komu saman á kyrrðar- og bænastund