Virðist lítt spennt fyrir samstarfi við DUP

Ruth Davidson, leiðtogi skoskra íhaldsmanna.
Ruth Davidson, leiðtogi skoskra íhaldsmanna. AFP

Leiðtogi skoskra íhaldsmanna, Ruth Davidson, virðist lítt spennt fyrir samstarfi Íhaldsflokksins við Lýðræðislega sambandsflokkinn (DUP) á Norður-Írlandi ef marka má færslu sem hún setti inn á samfélagsmiðilinn Twitter í dag eftir að Theresa May, forsætisráðherra Bretlands og leiðtogi Íhaldsflokksins, tilkynnti um fyrirhugað samstarf flokkanna.

Færsla Davidsons hafði að geyma tengil á ræðu sem hún flutti um réttindabaráttu samkynhneigðra í Belfast höfuðstað Norður-Írlands á síðasta ári. Lýðræðislegi sambandsflokkurinn er mjög íhaldssamur þegar kemur að málefnum samkynhneigðra en Davidson er samkynhneigð. Unnusta hennar, Jen Wilson, er írsk og hefur beitt sér í réttindabaráttu samkynhneigðra á Írlandi.

Þessi staða gæti gert erfiðar aðstæður May enn erfiðari. Samstarfinu við Lýðræðissinnaða sambandsflokkinn er ætlað að tryggja fyrirhugaðri minnihlutastjórn Íhaldsflokksins þingmeirihluta. Lýðræðislegi sambandsflokkurinn fékk 10 þingmenn í þingkosningunum í gær en Íhaldsflokkurinn 318. Til að ná þingmeirihluta þarf að lágmarki 326 þingmenn.

Íhaldsflokkurinn missti þingmeirihluta sinn í kosningunum en sigur skoskra íhaldsmanna varð þess valdandi að ósigur flokksins varð ekki enn verri. Þar hafa íhaldsmenn núna 13 þingmenn en höfðu aðeins einn áður. Spurð um afstöðu sína til samstarfsins við Lýðræðislega sambandsflokkinn svaraði Davidson því einu til að hún styddi það að ný ríkisstjórn legði fram stefnu sína þegar þingið kæmi saman síðar í mánuðinum.

Fjallað er um málið á fréttavef breska dagblaðsins Daily Telegraph.

mbl.is

Frá Sýrlandi til Evrópu - Greinaflokkur

Kaupum brotagull og -silfur
Kaupum eðalmálma til endurvinnslu hér heima. Kíkið á heimasíðu okkar þar sem FAS...
VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
STIGAR OG HANDRIÐ ALLAR MÖGULEGAR GERÐIR
Sjá meðal annars: http://www.youtube.com/watch?v=73dIQgOl2JQ&feature=channel L...
 
Arkitekt/byggingafræðingur
Sérfræðistörf
VIÐ ERUM AÐ RÁÐA! ARKITEKT // BYGGIN...
Onik 2017 20 skýli fyrir hleðslustöðvar
Tilboð - útboð
/ 14.12.2017 Útboð Orka náttúrunn...
Aðalskipulag breyting
Tilkynningar
Kynning á tillögum um breytingar á a...
Onrs- 2017- 19 ræstingaþjónusta
Tilboð - útboð
/ 14.12.2017 Útboð Orka náttúrunna...