Pandan Shin Shin og litli húnninn hennar, sem fæddist fyrir viku síðan í Ueno-dýragarðinum í Tókýó, hafa verið afar áberandi í japönskum fjölmiðlum.
Það kemur ekki á óvart enda er húnninn sá fyrsti sem fæðist í dýragarðinum í fimm ár.
Starfsmenn dýragarðsins segja að húnninn sé við góða heilsu og vegur hann um 100 grömm.
Pandan Shin Shin er 11 ára gömul og í febrúar varð hún þunguð eftir ástarfund með Ri Ri í dýragarðinum.
Shin Shin eignaðist annan hún árið 2012 og var það í fyrsta skipti í 24 ár sem panda fæddist í dýragarðinum. Húnninn lifði þó aðeins í sex daga og var það lungnabólga sem dró hann til dauða.