Tekið þátt í 22.219 opinberum verkefnum

Hertoginn af Edinborg mun taka þátt í skrúðgöngu konunglega herflotans ...
Hertoginn af Edinborg mun taka þátt í skrúðgöngu konunglega herflotans á miðvikudag en viðburðurinn markar endamörk opinberra verkefna hans. AFP

Filippus, eiginmaður Elísabetar Englandsdrottningar, segir af sér störfum á miðvikudaginn þegar hann tekur í síðasta sinn þátt í opinberum störfum í Buckingham-höll.

Hertoginn af Edinborg mun taka þátt í skrúðgöngu konunglega herflotans á miðvikudag en hann starfaði sem sjóliðsforingi í síðari heimsstyrjöld. Markar viðburðurinn endamörk opinberra verkefna hans. 

Hefur hann komið fram í 22.219 opinberum verkefnum konungshallarinnar síðan eiginkona hans varð drottning árið 1952 og er lengst sitjandi drottningarmaður í sögu Bretlands. Þá hefur hann farið í 637 opinberar ferðir erlendis og flutt 5.496 ræður. 

Filippus tilkynnti í maí að hann hugðist hætta störfum á árinu enda orðinn 96 ára gamall. Er hann þó við hesta heilsu miðað við aldur. Hann og eiginkona hans, sem er 91 árs, hafa tekið skref til baka frá konunglegum skyldustörfum sínum síðustu ár. 

Sonarsonur þeirra Vilhjálmur og eiginkona hans Kate munu taka við af þeim en hann hætti störfum sínum sem flugmaður á björgunarþyrlu í síðustu viku til þess að einbeita sér að fullu að konunglegum skyldum sínum. 

mbl.is

Bloggað um fréttina

Skoðanakannanir

[ Nánar | Allar kannanir í CSV-skrá ]

Frá Sýrlandi til Evrópu - Greinaflokkur

Þurrkari
...
Lok á heita potta og hitaveitu- skeljar
Lok á heita potta og hitaveitu- skeljar Stærðir í cm: 200x200, 210x210, 220x220,...
Playback borðtennisborð
PLAYBACK borðtennisborð frá BUTTERFLY m/neti, blá eða græn. 19mm borðplata Verð:...
Haustútsala
HAUSTÚTSALA alls konar nærfatnaður á 30% afslætti Laugavegi 178, sími 551 3366. ...
 
Framhald uppboðs
Nauðungarsala
Uppboð Einnig birt á www.naudungarsolu...
Vélavörður
Sjávarútvegur
Vélavörður óskast! Vélavörð vantar á ...
Eldri borgarar
Staður og stund
Aflagrandi 40 Opin vinnustofa kl. 9 og s...
Rýmingarsala
Til sölu
Rýmingarsala á bókum um helgina 5...