Utanríkisráðuneyti Rússlands segir að refsiaðgerðir Bandaríkjamanna gegn landinu séu hættulegar og beri vott um skammsýni.
Donald Trump Bandaríkjaforseti undirritaði lög um refsiaðgerðirnar í dag.
Í yfirlýsingu frá utanríkisráðuneytinu kemur fram að aðgerðirnar geti dregið úr stöðugleika í heiminum en Rússland og Bandaríkin beri sérstaka ábyrgð á því að halda þeim stöðugleika.
Þar segir einnig að aðgerðirnar séu „fjandsamlegar“ og að Rússland áskili sér rétt til að svara þeim.