Íbúar Norður-Kóreu, Venesúela og Tsjad eru komnir á lista yfir þá sem ekki fá að ferðast til Bandaríkjanna. Donald Trump, forseti Bandaríkjanna, greindi frá þessu á Twitter seint í gærkvöldi.
Í tilkynningu frá Hvíta húsinu kemur fram að þetta hafi verið ákveðið í kjölfar upplýsinga sem fengnar voru frá útlendum ríkisstjórnum, samkvæmt frétt BBC.
„Að gera Bandaríkin örugg er mitt helsta baráttumál. Við munum ekki hleypa þeim inn í landið okkar sem við getum ekki sannað að séu öryggir,“ skrifar Trump á Twitter.
Ákvörðunin varðandi Venesúela gildir aðeins um opinbera embættismenn og fjölskyldur þeirra.
Ríkin þrjú bætast þar í hóp fimm annarra, Íran, Líbýu, Sýrlands, Jemen og Sómalíu. Búið er að taka Súdan út af listanum.
Making America Safe is my number one priority. We will not admit those into our country we cannot safely vet.https://t.co/KJ886okyfC
— Donald J. Trump (@realDonaldTrump) September 24, 2017