53 hið minnsta fórust í loftárásum á markað í bænum Atareb, sem er á svæði uppreisnarmanna í Sýrlandi.

Sýrlensku mannréttindasamtökin  Syrian Observatory for Human Rights segja ekki vera á hreinu hvort sýrlenski stjórnarherinn eða rússneskir bandamenn þeirra hafi gert árásina. Samkvæmt upplýsingum frá hjálparsveitum á vettvangi eru börn meðal hinna látnu.

Árásin var gerð á bæ í Aleppo-héraði sem telst til þeirra svæða þar sem draga átti úr spennu og sem Rússar, Íranar og uppreisnarmenn Tyrkja komu á fót fyrr á þessu ári.

Syrian Observatory for Human Rights, sem fylgjast náið með stríðinu í Sýrlandi, segja þrjár árásir hafa verið gerðar á markaðinn í Atareb í dag og að fimm börn séu í hópi hinna látnu.

Fréttamaður hjá fréttavefnum Zaman Al Wasl, sem er á bandi uppreisnarliða, sagði á Twitter í dag að þrjár rússneskar herflugvélar hefðu skotið flugskeytum að markaðnum. Greinir BBC frá því að markaðurinn, sem á voru rúmlega 100 verslanir, sé nú í rúst.

Tugir þúsunda Sýrlendinga sem hrakist hafa frá heimilum sínum frá því að stríðið hófst 2011 hafa hafst við í Atareb.

Tengdar fréttir

Sýrland

Forsetafrú með hvítblæði

• Helsti ráðgjafi Hisbollah sá sem ráðinn var af dögum
• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad

» Fleiri tengdar fréttir

• Blogga um frétt