„Það þyrmdi yfir mig“

Hér má sjá drenginn reyna að hlaupa undan bílnum.
Hér má sjá drenginn reyna að hlaupa undan bílnum. Skjáskot/NRK

„Ég blikkaði ljósunum og flautaði til að reyna að vara bílana og börnin við,“ hefur norski ríkismiðillinn NRK eftir Tor-Bjørn Kyrkjebø, ökumanni sem varð vitni að og náði myndbandi af svakalegu atviki í Noregi í sumar.

Tor-Bjørn rekur flutningafyrirtækið Transferd AS og er sjálfur flutningabílstjóri. Bíllinn hans er búinn myndbandsupptökuvél. Á myndbandinu sést þegar nokkur skólabörn stíga út úr skólarútu í Høyanger í Noregi, fyrr á þessu ári. Börnin ganga síðan aftur fyrir rútuna og tvö þeirra ganga af stað yfir götuna án þess að huga að umferðinni.

Í myndbandinu sést hvernig flutningabifreið, sem kemur úr gagnstæðri átt, nálgast ungan dreng á fullum hraða og Tor-Bjørn þenur flautuna. Sjá má hvernig ung stúlka stendur á miðjum veginum og getur ekki annað en fylgst með því sem verða vill.

Fátt virðist geta komið í veg fyrir að bifreiðin aki drenginn niður en vart hefði þurft að spyrja að leikslokum ef svo hefði farið. Þess í stað nær flutningabílstjórinn að stöðva bifreiðina á undraverðum tíma en má með sanni segja að hurð skelli nærri hælum.

„Ég sá hvað var í vændum en ég gat lítið gert,“ er haft eftir Tor-Bjørn. Hann segist hafa séð glitta í flutningabílinn yfir skólarútuna. Hann hafi því gripið til þess ráðs að flauta og blikka ljósunum, í þeim tilgangi að vara kollega sinn, og börnin, við hættunni. „Það þyrmdi yfir mig þegar ég sá hvað var að gerast,“ segir hann og bindur vonir við að myndbandið verði öðrum víti til varnaðar.

Í frétt NRK er haft eftir Terje Sundfjord, forsvarsmanni rútufyrirtækisins, að svo virðist sem skólabíllinn stoppi ekki á viðurkenndri stoppistöð. Myndbandið sé ákall um að farið verði yfir verkferla við skólaaksturinn. Rætt verði við ökumann rútunnar og komið í veg fyrir að svipaðar aðstæður geti komið upp í framtíðinni.





mbl.is

Frá Sýrlandi til Evrópu - Greinaflokkur

Teikning eftir Barböru Árnason
Til sölu teikning eftir Barböru Árnason, stærð ca 23x13 cm. Uppl. í síma 772-2...
VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
www.skutla.com sendibílar 867-1234
Rafknúin tröpputrilla fyrir ísskàpinn, þvottavélina, þurrkarann o.fl. Skutl, vör...
https://www.funiceland.is - Ferðavefur
FunIceland.is er ferða- og upplýsingavefur um náttúru Íslands. Skoðaðu vefinn m...
 
Félagsstarf
Staður og stund
Aflagrandi 40 Opin vinnustofa kl. 9 og b...
Framhald uppboðs
Nauðungarsala
Uppboð Einnig birt á www.naudungarsolu...
Framhald
Nauðungarsala
Uppboð Einnig birt á www.naudungarsolu...
Samkoma
Félagsstarf
Samkoma kl. 20 í Kristniboðs- salnum. R...