Myndin sem skiptir Washington í tvær fylkingar
Setja bókamerki
Tengdar fréttir
Sýrland
Mynd sem sýnir Nancy Pelosi, leiðtoga demókrata í fulltrúadeild bandaríska þingsins, standa yfir og lesa Donald Trump Bandaríkjaforseta pistilinn vegna ákvörðunar hans um að draga herlið Bandaríkjanna frá Sýrlandi hefur valdið miklum deilum í bæði raun- og netheimum og virðist vera orðin eins konar táknmynd stríðandi fylkinga í Washington.
Fulltrúar demókrata í fulltrúa- og öldungadeild Bandaríkjaþings funduðu í gær með fulltrúum repúblika, yfirmönnum í Bandaríkjaher og Trump um ákvörðun þess síðastnefnda að draga herlið Bandaríkjanna frá Sýrlandi. Ákvörðunin hefur verið gríðarlega umdeild og margir vilja meina að með henni hafi forsetinn gefið Tyrkjum skotleyfi á Kúrda.
Fundurinn var mjög ákafamikill og endaði með því að Pelosi og Charles Schumer, leiðtogi demókrata í öldungadeildinni, gengu út af fundinum. BBC greinir frá.
Pelosi og Trump hafa bæði deilt myndinni á samfélagsmiðlum og saka hvort annað um „bræðiskast“ á fundinum. Leiðtogar repúblíka saka Pelosi um að hafa sýnt „ósæmandi hegðun“ en hún vísar þeim ummælum til föðurhúsanna.
Færslu Trump þar sem hann deilir myndinni með yfirskriftinni „Bræðiskast taugaveikluðu Nancy“ hefur verið deilt tæplega 30 þúsund sinnum og rúmlega 65 þúsund athugasemdir hafa skrifaðar við hana.
Hvað gerðist á fundinum?
Samkvæmt heimildum AP hófst fundurinn á því að Trump grobbaði sig af „kvikindislegu“ bréfi sem hann sendi forseta Tyrklands, Recep Tayyip Erdogan, þar sem hann varaði hann við því að vera „harðjaxl“ og „bjáni“.
Næst hafi Pelosi minnt forsetann á fordæmingu Bandaríkjaþings á ákvörðun hans að draga herliðið frá Sýrlandi sem samþykkt var með miklum meirihluta fyrr í gær. Þá hafi Schumer byrjað að lesa yfirlýsingu fyrrverandi varnamálaráðherra Bandaríkjanna, James Mattis, um mikilvægi þess að halda herliði Bandaríkjanna í Sýrlandi til að koma í veg fyrir uppgang ISIS.
Forsetinn hafi þó gripið fram í fyrir honum og þaggað niður í honum með því að segja að Mattis væri „ofmetnasti hershöfðingi sögunnar.“ Þá hafi Trump sagt við Pelosi: „Ég hata ISIS meira en þú gerir.“
Schumer hafi síðan spurt forsetann hver hans áætlun væri varðandi árásir Tyrkja á Sýrlendinga og hann hafi svarað því að hún væri sú að „vernda öryggi Bandaríkjamanna.“ Pelosi er sögð ítrekað hafa bent forsetanum á að það væri markmið hans en ekki áætlun.
Á endanum hafi einn af leiðtogum demókrata í fulltrúadeildinni, Steny Hoyer, þurft að grípa inn í rifrildið þegar forsetinn var byrjaður að kalla Pelosi „þriðja flokks stjórnmálamann.“ Stuttu síðar hafi fulltrúar demókrata yfirgefið fundinn.
Eins og áður kemur fram hafa báðar fylkingar lýst yfir „sigri“ á fundinum og sakað hvort annað um dónaskap. Demókratar hafa sagt myndina af Pelosi vera „goðsagnakennda“ og sýna Pelosi á hennar „besta augnabliki“ á meðan repúblikar segja hana hafa tekið „bræðiskast“ og sýnt ósæmandi hegðun.
Tengdar fréttir
Sýrland
Banna mengandi búnað sem leyfður er á Íslandi
„Umsátursástand“
Væri að ljúga ef ég segðist ekki stressaður
Sex hafa greinst með listeríu
Hvorki sést áður hér á landi né annars staðar
Telur forsendur fyrir vaxtalækkun
Kaldasti veturinn kom að óvörum
Kostnaður meiri en milljón á fermetra