Donald Trump Bandaríkjaforseti hefur synjað staðfestingar þingsamþykkt sem ætlað var að takmarka völd hans til stríðsaðgerða í Íran.
Trump segir í yfirlýsingu að hann hafi neitað að staðfesta samþykktina þar sem honum hafi fundist hún „mjög móðgandi“. Sömuleiðis byggist hún á misskilningi á staðreyndum og lögum.
Bandaríkjaþing samþykkti þingsamþykktina, þvert á flokkslínur, í marsmánuði. Var það vegna ótta á meðal þingmanna beggja flokka um að stjórnvöld væru að ráfa inn í stríð við Íran.