„Rússneskt innrásarlið í Úkraínu átti í dag að líkindum sínar verstu átján mínútur frá upphafi átaka, en á þessum stutta tíma tókst loftvarnarsveitum heimamanna að granda fjórum Ka-52-árásarþyrlum,“ skrifar Kristján Johannessen, stjórnmála- og stjórnsýslufræðingur, á Facebook-síðu sína.

Segir Kristján beint tjón vegna þessa minnst níu milljarða króna og að við það bætist sá mikli kostnaður sem farið hefur í viðhald tækjanna og hugbúnaðaruppfærslu undanfarin ár auk þjálfun flugmanna, hafi þeir ekki komist lífs af.

Kamov Ka-52-þyrlan er tveggja manna árásar- og eftirlitsþyrla sem hönnuð hefur verið út frá eldri þyrlu Sovétmanna, Ka-50. Þá er þyrlan, sem tekin var í notkun rússneska hersins árið 2011, búin vopnum sem grandað geta óbrynvörðum jafnt sem brynvörðum landtækjum og hægfara loftförum. 

Tengdar fréttir

Úkraína

Þakklátur Kínverjum fyrir friðarumleitanir

• Rússar náð 278 ferkílómetra svæði á einni viku
• Aflýsir öllum ferðum og sendir liðsauka
• Úkraínumenn drógu hersveitir til baka
• Segir hergögn á leiðinni til Úkraínu

» Fleiri tengdar fréttir

Rússland

Rússar taldir undirbúa árásir gegn Vesturlöndum

• Pútín leggur óvæntan ráðherrakapal
• Pútín hótar aftur kjarnavopnum
• Rússneskur maður ákærður fyrir hryðjuverk
• Selenskí á lista yfir eftirlýsta glæpamenn

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Minnir á hrakfarir þýsku ofurskriðdrekanna fyrir 80 árum.