Kínverjar hefja heræfingar í kringum Taívan
Setja bókamerki
Kínverjar hófu heræfingar í kringum Taívan í morgun. Litið er á æfingarnar sem aðvörun til ríkisstjórnar eyjunnar eftir að forseti Taívans fundaði með forseta fulltrúadeildar Bandaríkjaþings.
Kínversk stjórnvöld fordæmdu fundinn.
Heræfingarnar fara fram undir yfirskriftinni „Sameinað beitt sverð“ og eiga að standa yfir í þrjá daga. Að sögn ríkisfjölmiðils verður meðal annars æft hvernig skal umkringja Taívan, að því er sagði í yfirlýsingu Frelsishersins (PLA).
Tsai Ing-wen, forseti Taívans, fordæmdi æfingarnar þegar í stað og hét því að starfa með „Bandaríkjunum og öðrum svipað þenkjandi löndum“ gegn „áframhaldandi útþenslu einræðisstjórnar“.
Flugvélar og skip ásamt fjölda hermanna verða að störfum í Taívansundi og lofthelginni þar fyrir ofan.
Halla: Líkti Ólafi Ragnari ekki við Robert Mugabe
Veita fyrirtækjum brú yfir óvissutímabil
„Ég hélt ég myndi deyja, með dóttur mína í bílnum“
Þyrla forsetans lenti í „slysi“
Fannari líst ágætlega á aðgerðirnar
Alþjóðaglæpadómstóllinn vill handtaka Netanjahú
„Okkur mun ekki bregða“