Varnarmálaráðherra Ísrael segir að Hamas-samtökin hafi hafið stríð gegn Ísrael með flugskeytaárásum sem áttu sér stað í nótt. Mohammed Deif, leiðtogi innan Hamas-samtakanna, segir að fimm þúsund flugskeytum hafi verið skotið frá Gasasvæðinu.
Að minnsta kosti 22 Ísraelar eru látnir og um 545 eru særðir.
Flugskeytunum var skotið frá nokkrum stöðum á Gasa. Í yfirlýsingu segjast samtökin hafa ákveðið að „stöðva glæpi hernámsliðsins, að tími yfirgangs þess án afleiðinga væri liðinn.“
Fréttamenn AFP greina frá því að Ísrael hafi þegar hafið gagnsókn með loftárásum á Gasasvæðið.
Þá geisa skotbardagar milli ísraelskra og palestínskra hersveita nú á ýmsum stöðum í suðurhluta Ísrael.
„Hermenn berjast gegn óvininum á öllum stöðum,“ sagði Yoav Gallant, varnarmálaráðherra Ísraels, í yfirlýsingu. Hann sagði Hamas-samtökin hafa gert „alvarleg mistök“ og lýsti því yfir að Ísrael myndi vinna stríðið.
„Við eigum í stríði,“ lýsti Benjamin Netanyahu, forsætisráðherra Ísraels, yfir fyrir skömmu. Hann sagði óvininn eiga eftir að gjalda fyrir árásirnar.
Prime Minister Benjamin Netanyahu:
— Prime Minister of Israel (@IsraeliPM) October 7, 2023
"Citizens of Israel,
We are at war, not in an operation or in rounds, but at war. This morning, Hamas launched a murderous surprise attack against the State of Israel and its citizens. We have been in this since the early morning hours. pic.twitter.com/C7YQUviItR