Sat á þaki byggingarinnar þegar eldurinn kviknaði
Setja bókamerki
Kenneth Dühring, starfsnemi koparsmiðs hjá Toft Kobber, sat í makindum við vinnu á þaki sögufrægu byggingarinnar Børsen þegar hann heyrði eldvarnabjöllurnar hringja klukkan 7.36 í gærmorgun.
Ekki leið á löngu þar til byggingin stóð í ljósum logum og nú degi síðar er helmingur hennar brunninn til kaldra kola og turnspíra Børsen fallin.
Endurbætur á byggingunni stóðu yfir og átti þeim að ljúka á 400 ára afmæli hennar á næsta ári.
Danska ríkisútvarpið greinir frá.
Brunavarnarkerfið hafði oft farið í gang
Þegar brunavarnakerfið fór í gang brást Dühring við með því að klifra af þakinu og á vinnupalla sem stóðu við hlið byggingarinnar. Örfáum mínútum síðar sá hann reyk. Hann stökk aftur á þakið og fór þá ekki milli mála hvað hafði gerst – byggingin logaði.
„Við hlupum saman fram og til baka skelfingu lostnir,“ sagði Dühring við danska ríkisútvarpið.
Að sögn Dühring fór brunavarnakerfið oft í gang meðan á framkvæmdum stóð, meðal annars vegna ryks sem þyrlaðist upp.
Horfðu á vinnuna fuðra upp
Iðnaðarmennirnir komust þó heilu og höldnu af þakinu og niður á jörðu þar sem samstarfsfélagarnir fylgdust með eins og hálfs árs framkvæmdum fuðra upp.
Var vinnan við endurbæturnar nánast hálfnuð en sá hluti þaksins þar sem búið var að leggja koparplötur brann til fulls.
Dühring kveðst ekki hafa áttað sig almennilega á harmleiknum fyrr en hann kom heim til sín.
Í morgun funduðu starfsmenn Toft Kobber þar sem áhersla var lögð á líðan starfsmanna.
„Okkur líður öllum skringilega. Sumir vilja ekki ræða þetta – aðrir eru í áfalli.“
Ökuníðingur enn í haldi – „Mildi að ekki fór verr“
Gæti færst meiri kraftur í eldgosið
„Finn fyrir miklum meðbyr“
„Mjög ánægður með útkomuna“
11 verða í framboði til embættis forseta Íslands
Atvinnuhúsnæði ekki keypt upp í Grindavík
Hægist á eftir mikinn uppgang
„Þakklátur að hanga í toppsætunum“