Rússar skila sex börnum heim til Úkraínu
Setja bókamerki
Rússar hafa skilað aftur heim til fjölskyldna sinna í Úkraínu sex börnum sem höfðu verið numin þaðan á brott vegna átakanna þar í landi.
Stjórnvöld í Katar höfðu milligöngu í málinu, segir rússneska ríkisrekna fréttastofan TASS.
Úkraínsk stjórnvöld telja að Rússar hafi numið á brott meira en 19 þúsund börn frá landinu síðan hernaðaraðgerðir þeirra hófust þar árið 2022, en aðeins 400 börnum hefur verið skilað aftur heim til fjölskyldna sinna.
Hópur drengja á aldrinum sex til 17 ára sameinaðist fjölskyldum sínum á viðburði sem fór fram í sendiráði Katars í Moskvu, að sögn TASS. Sendiherra Katar var viðstaddur ásamt Mariu Lvova-Belova, sem hefur umsjón með réttindum barna í Rússlandi.
Lvova-Belova er nú eftirlýst af Alþjóðaglæpadómstólnum fyrir að nema börn ólöglega á brott frá Úkraínu til Rússlands. Rússnesk stjórnvöld hafa neitað þessum ásökunum.
Frá júlí í fyrra hefur Katar aðstoðað við að koma tugum barna aftur til fjölskyldna sinna sem voru tekin frá heimalandi sínu og flutt til Rússlands.
Sum börnin misstu foreldra sína í átökum eða voru aðskilin frá umönnunaraðilum sínum vegna hernaðar Rússa. Önnur börn höfðu verið vistuð á úkraínskum munaðarleysingjahælum sem Rússar hertóku.
Kallar eftir óháðri rannsókn vegna þungra ásakana
„Hefur ótrúleg áhrif á líf fólks“
Myndir: Mikið vatn á gólfum Kringlunnar
Tveimur er haldið sofandi eftir rútuslysið
Dallas valtaði yfir Boston
Búið að ná tökum á eldinum
3.300 MW í vinnslu fyrir vindorkuna
Ótímasett jarðgöng sögð eina lausnin
