Vegagerðin varar við óveðri í Öræfasveit, á Mýrdalssandi og undir Eyjafjöllum. Það er hinsvegar greiðfært um allt Suður- og Vesturland, en á Vestfjörðum er hálka á heiðum.
Á Norðurlandi eru stöku hálkublettir.
Á Austurlandi er hálka og skafrenningur á Fjarðarheiði og Oddsskarði, hálka á Fagradal, þæfingur á Breiðdalsheiði og ófært um Öxi.
Viðgerð á brú
Vegna bilunar og viðgerða á brúnni yfir Jökulsá á Fjöllum, við Grímsstaði, er hámarkshraði þar lækkaður niður í 30 km og eru ökumenn beðnir að gæta mikillar varúðar þegar ekið er yfir. Sérstaklega er áríðandi að stjórnendur þungra ökutækja sýni fyllstu aðgát.