Starfsmenn Reykjavík Energy Invest eru farnir að ókyrrast vegna þeirrar stefnu sem málefni fyrirtækisins hafa tekið. Heimildir fréttastofu Útvarps herma að stjórnarfundur Orkuveitunnar á morgun ráði miklu um hvað gerist innan REI. Sagði Útvarpið, að ef ekki komi skýr skilaboð um hvert stefna skuli í útrásinni sé talið líklegt að Bjarni Ármannsson dragi sig út úr fyrirtækinu og það fé sem hann hefur lagt í fyrirtækið.

Þá sagði Útvarpið, að starfsmenn REI séu farnir að ókyrrast mjög vegna þeirrar stöðu sem nú er uppi. Og það sama megi segja um Bjarna Ármannsson.

Bjarni bíði nú eftir því hvaða skilaboð stjórnarfundur Orkuveitu Reykjavíkur, sem haldinn verður á morgun, muni senda. Skýrist ekki þá hvernig útrásinni verði háttað muni hann líklega draga sitt fé út úr fyrirtækinu. Þetta getur Bjarni gert án þess að tapa nokkru ef upphaflegar forsendur fyrir samstarfinu breytast.

Tengdar fréttir

Reykjavik Energy Invest

Óskar úttektar á störfum sínum

• Vilhjálmur Þ.: Gagnrýnir fréttaflutning Morgunblaðsins
• REI-menn bera vitni
• Rannsakað með aðkomu REI
• Enex í gíslingu eigenda sinna

» Fleiri tengdar fréttir

• 3 blogg um fréttina

Bloggað um fréttina

• Hafsteinn Viðar Ásgeirsson: Ekki ólíklegt.
• Ari Guðmar Hallgrímsson: Rotturnar leggja á flótta yfirgefa "sökkvandi skip"
• Jakob Falur Kristinsson: REI