Árni segist munu skila ítarlegum rökstuðningi
Setja bókamerki
Árni M. Mathiesen, fjármálaráðherra, sagði í fréttum Útvarpsins, að hann muni skila ítarlegum rökstuðningi vegna umdeildrar skipunar hans á Þorsteini Davíðssyni embætti héraðsdómara, óski aðrir umsækjendur um stöðuna eftir því.
Lúðvík Bergvinsson, þingflokksformaður Samfylkingarinnar, sagði í gær að Árni, sem var settur dómsmálaráðherra í málinu, ætti að rökstyðja betur val sitt á héraðsdómara. Slíkt væri nauðsynlegt þar sem valið hefði gengið algjörlega gegn mati nefndar sem metur hæfi þeirra sem sækja um dómarastöður.
Útvarpið hafði eftir Árna í dag, að greinilegt væri að mat hans á reynslu Þorsteins úr dómsmálaráðuneytinu væri annað en mat nefndarinnar. Í slíkum tilvikum bæri honum að fara eftir eigin mati.
Þetta eru hjólaframkvæmdirnar sem unnið er að
Tveggja mánaða flandur um Nýja-Sjáland
Forsetinn líti yfir axlirnar á þingheimi
Fjallabak, Sprengisandur og niður í Eyjafjörð
Mál hjúkrunarfræðingsins fer aftur fyrir héraðsdóm
Rothissa á vinnubrögðum forystu BÍ
Virknin færist í aukana innan 48 tíma
Fimm dauðir hvolpar fundust í poka