Einstaklingur á Skagaströnd fékk þau tíðindi í kvöld að hann hefði unnið 45 milljónir í aðalútdrætti Happdrættis Háskóla Íslands. Hæsti vinningur hjá Happdrætti Háskólans er 5 milljónir á einfaldan miða en Skagstrendingurinn hafði keypt fimmfaldan miða auk fjögurra einfaldra á sama númer og var heildarvinningsfjárhæðin því 45 milljónir.
Samkvæmt upplýsingum frá HHÍ er nokkuð um liðið síðan svo stór vinningur kom í hlut eins vinningshafa, en í sumar unnu þó tveir miðaeigendur 25 milljónir annars vegar og 30 milljónir hins vegar.
Heildarfjöldi vinningshafa að þessu sinni voru um þrjú þúsund.