Forsætisnefnd Reykjavíkurborgar samþykkti í gær tillögu Vilhjálms Þ. Vilhjálmssonar um 15-20 milljóna króna niðurskurð í nefndakerfi borgarinnar á næsta ári.
Í tillögunni segir að í ljósi erfiðs efnahagsástands hér á landi og áhrifa þess á rekstur Reykjavíkurborgar, telji forsætisnefnd mikilvægt að það náist fram sparnaður í nefndakerfi borgarinnar á næsta ári, bæði að því er tekur til hugsanlegra breytinga á nefndakerfinu sem og starfsumhverfis kjörinna fulltrúa. Vilhjálmi þ. Vilhjálmssyni. forseta borgarstjórnar var falið að leggja fyrir forsætisnefnd tillögur sem skili 15-20 milljóna króna sparnaði að þessu leyti. tillögunum ber að skila fyrir 15. nóvember næstkomandi.