„Ég er hugsi yfir stöðunni sem komin er upp. Ég vildi sannarlega að við ættum úr fleiri og betri kostum að velja, sagði Steingrímur J. Sigfússon, formaður VG, eftir fund formanna stjórnarandstöðuflokkanna með ráðherum í dag þar sem þeim var kynnt ákvörðun um að leitað verði til Alþjóðagjaldeyrissjóðsins.

„Við fengum enga pappíra í hendur, aðeins munnlega skýrslu," sagði Steingrímur. „Mér finnst þessar þrjár vikur ekki hafa spilast vel. Að sjálfsögðu eru engir góðir kostir í stöðunni en að þeir yrðu svona hroðalega þröngir finnst mér hart að horfast í augu við," sagði Steingrímur.

Undir þetta tók Guðni Ágústsson, formaður Framsóknarflokksins, og sagði að ríkisstjórnin tilkynni sínar tillögur á eftir. „Og við erum engir ábyrgðaraðilar á því," sagði hann.

Formennirnir  vildu ekki gefa upp þá lánsupphæð, sem rætt sé um, vexti og önnur kjör en sögðu upphæðir og tölur vera geigvænlegar.

Guðni Ágústsson, Guðjón A. Kristjánsson, og Steingrímur J. Sigfússon koma af fundi ráðherra í dag. mbl.is/Golli

Tengdar fréttir

Bankakreppa

Biðu sömu örlaga og Ísland

• Vilja að bankarnir endurgreiði aðstoðina
• Merki um siðrof í þjóðfélaginu
• Eignir metnar á 775 milljarða
• Auknar álögur á íbúa Grimsby

» Fleiri tengdar fréttir

• 9 blogg um fréttina

Bloggað um fréttina

• Birgitta Jónsdóttir: Er hægt að kalla okkur sjálfstæða þjóð?
• Guðmundur Jóhannsson: Hvað gerist 15 april 2009 ??
• Brynja Dögg Ívarsdóttir: Þar fóru Íslendingar á hausinn
• Þórður Runólfsson: Er kominn tími til að setja á suðu?
• Dunni: „Og við erum engir ábyrgðaraðilar á því,"
• Gísli Foster Hjartarson: En hér verður enginn beygður
• Dorje: Rjúfum þögn ráðamanna og göngum til lýðræðis
• Ævar Rafn Kjartansson: Íslendingar vinsælt efni í brandara!
• Hólmdís Hjartardóttir: Nú fer að sjóða upp úr