Um 70 manns sóttu slysadeild Landsspítala - Háskólasjúkrahúss í nótt á fyrstu klukkustundum nýs árs. Að sögn vakthafandi læknis var nýársnóttin frekar í rólegri kantinum ef hitt miðað við áramót. Eitthvað bar á áverkum eftir slys við meðferð flugelda og jafnframt eftir pústra við skemmtanahald.
Engin stórvægileg mál komu hinsvegar upp að sögn læknis, meiðslin voru öll minniháttar. Undir morgun hægðist á umferð um slysadeildina en fór aftur að aukast fram eftir degi og hefur verið með hefðbundnu sniði í dag, á fyrsta degi nýs árs.