Eiður Guðnason hættir

Eiður Guðnason aðalræðismaður í Þórshöfn mun láta af störfum í utanríkisþjónustunni og tekur Albert Jónsson sendiherra í Washington við sem aðalræðismaður í Þórshöfn, samkvæmt tilkynningu frá utanríkisráðuneytinu.

Hjálmar W. Hannesson fastafulltrúi hjá Sameinuðu þjóðunum í New York tekur við sem sendiherra Íslands í Washington. Gunnar Pálsson sendiherra í Nýju Delhí flyst til starfa sem fastafulltrúi hjá Sameinuðu þjóðunum í New York og mun Finnbogi Rútur Arnarson, sendifulltrúi, veita sendiráðinu forstöðu tímabundið. Guðmundur Eiríksson sendiherra í Pretoríu tekur við starfi prótókollstjóra í utanríkisráðuneytinu í Reykjavík. Þá lætur Helgi Ágústsson prótókollstjóri af störfum.

• 4 blogg um fréttina

Bloggað um fréttina

• Hörður B Hjartarson: Fréttamaðurinn með stórkjaftinn
• Ómar Ragnarsson: Gróinn vinur.
• Dunni: Eiður og hungraðir hestar
• Anna Dóra Gunnarsdóttir: Guð minn góður,