Sú breyting verður á útgáfu DV í sumar að fimmtudagsblað kemur ekki út en stefnt verður að öflugra og stærra miðvikudagsblaði, að því er fram kemur á vef DV.
Breytingin er gerð í sparnaðarskyni vegna þess að verð á pappír hefur snarhækkað. Starfsmönnum ritstjórnar blaðsins verður ekki fækkað og stefnt er að því að efla fréttavef DV.
Samhliða fækkun útgáfudaga verður áskriftarverð DV lækkað í 2.590 krónur á mánuði.