Síðasta sólarhringinn hafa um 50 jarðskjálftar mælst í kvikuganginum við Svartsengi. Sá stærsti var 1,8 að stærð.
Kvikusöfnun og landris halda áfram, að sögn Sigríðar Kristjánsdóttur, náttúruvársérfræðings hjá Veðurstofu Íslands og hefur allt verið með svipuðu sniði í nótt.
Um 16 til 17 milljónir rúmmetra af kviku hafa bæst við kvikuhólfið frá 16. mars. Auknar líkur eru á nýju kvikuhlaupi og öðru eldgosi á næstunni.