Þjóðverjar hafa ekki hótað Kaupþingi
Setja bókamerki
„Því fer fjarri að einhver hótun sé í bréfinu. Það er ekki nokkur leið að lesa það út,“ segir Gylfi Magnússon viðskiptaráðherra. Á hann þar við tölvupóst sem sérfræðingur í þýska fjármálaráðuneytinu sendi skilanefnd Kaupþings í síðustu viku.
Vitnað var í póstinn í fréttum fyrir helgi og sagt að þar hefði öllu illu verið hótað ef ekki yrði greitt út úr þýskum Kaupþing Edge-reikningum hið fyrsta. Frumvarp til breytinga á lögum um fjármálafyrirtæki til að heimila slíkar útgreiðslur varð að lögum á föstudaginn. Guðlaugur Þór Þórðarson, sem á sæti í viðskiptanefnd Alþingis, sagði í samtali við mbl.is um helgina að líklega væri í bréfinu fundin ástæðan fyrir þeim flýti sem var á afgreiðslu málsins.
„Alls ekki. Þvert á móti höfum við átt ágætt samstarf við Þjóðverja, málið var leyst í samstarfi Kaupþings og íslenska og þýska seðlabankans,“ segir Gylfi.
Hann hafi upplýst viðskiptanefnd, minnihluta sem meirihluta, um að mest lægi á frumvarpinu til að geta greitt út laun fyrrverandi bankastarfsmanna um mánaðamótin.
Þolandi ofbeldisins frá Möltu
Íslendingar þurfa að fullorðnast í varnarmálum
Eldgos eða kvikuinnskot yfirvofandi
Viltu verða milljónamæringur um sextugt?
Hvetja konur til að hætta notkun getnaðarvarna
Barnalög endurskoðuð til að bregðast við