Þórsmörk og Sólheimajökli lokað
Setja bókamerki
Búið er að loka tímabundið veginum inn í Þórsmörk og eins hefur leiðinni upp á Sólheimajökul verið lokað. Þessi ákvörðun er varúðarráðstöfun og verður endurskoðuð þegar frekari upplýsingar berast um ástand mála á Fimmvörðuhálsi, samkvæmt tilkynningu úr Samhæfingarmiðstöð.
Að sögn lögreglunnar á Hvolsvelli er verið að vísa fólki í Þórsmörk í Langadal. Nokkrir tugir manna eru í Þórsmörk og nokkur hundruð á jöklinum og við gosstöðina á Fimmvörðuhálsi.
Rýming svæðisins í kringum eldstöðina hófst um kl. 20.00 í kvöld og er reiknað með að henni verði lokið um kl. 22.00 til 22.30 í kvöld. Þyrlur eru notaðar til að flytja fólk af jöklinum.
Sveinn Kr. Rúnarsson, yfirlögregluþjónn á Hvolsvelli sagði að fólk hafi verið „alveg ofan í“ þar sem gossprungan opnaðist.
„Þetta þarf að fara að gerast“
Goslok hafa ekki áhrif á vinnuna
Keppanda aldrei verið vísað úr keppni áður
„Miklar líkur á rýmingu á næstu sólarhringum“
Mikilvægt að skoða af hverju þær velja þessa leið
Tólf ára drengur illa fótbrotinn
