Hefur ekki áhyggjur af kjötinu
Setja bókamerki
Kristján Loftsson, forstjóri Hvals, segist ekki hafa áhyggjur þó 140 tonn af langreyðakjöti hafi verið flutt í land í Rotterdam. Hann hyggst finna aðra leið til að koma því til Japan. Hann segir skipafyrirtækið hafa hætt við flutninginn vegna hótanna hollenskra grænfriðunga.
Hópur hollenskra grænfriðunga hlekkjaði sig við landfestar flutningaskips í höfninni í Rotterdam í morgun og voru allir handteknir. Fullyrtu þeir að sjö gámum með langreyðakjöti frá Íslandi hefði verið skipað um borð í skipið og ætti að flytja kjötið til Japans.
Kristján staðfesti að það væri rétt. Einnig að kjötið hafi verið flutt í land og skipafélagið neiti að flytja það áfram. Segir hann ástæðuna helst hótanir grænfriðunga í garð skipafélagsins. Hann segist að sjálfsögðu fylgjast grannt með enda miklir hagsmunir í húfi.
Skipið átti að leggja úr höfn áleiðis til Japans klukkan 16 að íslenskum tíma í dag. Kristján segir ekki víst hvað gerist næst, hvort kjötið verði flutt til Íslands eða beint frá Rotterdam til Japans.
Segir forseta þingsins segja ósatt frá fundinum
Fordæmir leyndarhyggju í skólamálum
14 til 17 milljarða kr. tap vegna skerðinga
„Hann var lokaður inni í bátnum“
Rannsaka drómasýki í hestum
Veita fyrirtækjum brú yfir óvissutímabil
„Trúlega rákumst við saman“
Tímaspursmál hvenær framleiðslu verði hætt