Vonar að málið fái farsælan endi

Heilbrigðisráðuneytið vonast til að málefnið sem varð tilefni til þess að ráðherra tilkynnti forstjóra Sjúkratrygginga Íslands, Steingrími Ara Arasyni, um mögulega áminningu hans fyrir brot í starfi hljóti farsælan endi. 

Í fréttatilkynningu frá ráðuneytinu kemur fram að það felist meðal annars í því að þeir einstaklingar sem umræddar reglugerðir fjalli um njóti þeirra réttinda til tannlækninga og tannréttinga sem endurspeglist í anda reglugerðanna.

Heilbrigðisráðuneytið mun ekki tjá sig frekar á vettvangi fjölmiðla um samskipti við forstjóra Sjúkratrygginga í þessu máli. Bent er á að forstjórinn hafi lögformlegan andmælarétt til 13. apríl næstkomandi og að málið sé í þeim farvegi.

• 3 blogg um fréttina

Bloggað um fréttina

• Ólafur Ingi Hrólfsson: Dragðu í land ráðherra - dragðu í land.
• Jakobína Ingunn Ólafsdóttir: Fyrir hvern starfar Steingrímur Ari?
• Axel Jóhann Axelsson: Álfheiður í Kattholti mjálmar