Fær frest fram á mánudag

Slitastjórn Glitnis reiknar með að Jón Ásgeir Jóhannesson leggi fram lista yfir eignir sínar strax eftir helgina.

Lögmenn Jóns Ásgeirs tóku við stefnu frá slitastjórn Glitnis á fimmtudag, en samkvæmt lögum ber honum innan tveggja sólarhringa að afhenda lista yfir eignir sínar. Þar sem fresturinn rann út um helgi ákvað slitastjórn að líta svo á að Jón Ásgeir fengi frest fram á mánudag til að skila inn listanum.

Skili Jón Ásgeir ekki inn listanum eða veiti hann rangar upplýsingar á hann yfir höfði sér allt að þriggja ára fangelsi í Bretlandi.

Í stefnu slitastjórnar er Jón Ásgeir sakaður um að hafa í raun náð valdi á stjórn bankans í apríl 2007 og ásamt öðrum notað yfirráð sín yfir bankanum til að veita gríðarhá lán til annarra fyrirtækja sem hann og viðskiptafélagar hans réðu yfir.

• 1 blogg um fréttina

Bloggað um fréttina

• Ómar Bjarki Smárason: Hvað eru eignir?