Segja umhverfisslys í uppsiglingu

Aðgerðarhópi um verndun Ingólfstorgs þykir ljóst að umhverfisslys sé í uppsiglingu við torgið nái þau áform, sem nú séu uppi á borði um hótelrekstur við Vallarstræti, fram að ganga.

Hótelinu muni ekki einungis fylgja mikil umferð og umsýslan sem þröngar götur í hjarta borgarinnar, heldur verður með tilkomu þess freklega gengið á vinsæl almannarými Reykjavíkurbúa, segir í tilkynningu frá hópnum.  

Hann boðaði frambjóðendur allra flokka á sinn fund í morgun til að kynna hugmyndir að verndun Vallarstrætis, þar sem nú stendur til að reisa fimm hæða hótel. Hugmyndir aðgerðarhópsins byggja á þróunaráætlun Reykjavíkurborgar frá árinu 2000 sem unnin var af skipulagsyfirvöldum í Reykjavík og samþykkt af öllum flokkum. 

Öll framboðin í Reykjavík sendu fulltrúa sinn á fundinn í morgun nema Besti flokkurinn, Framsóknarflokkurinn og Reykjavíkurframboðið, segir í tilkynningu.

Frambjóðendur voru beðnir um að svara eftirfarandi spurningu: „Telur þú eðlilegt að leyfa byggingu fimm hæða hótels við Vallarstæti, ofan á Sjálfstæðishúsi, bak við hús sem standa við götuna og inni í skarði á milli þeirra?“

• 2 blogg um fréttina

Bloggað um fréttina

• Torfi Kristján Stefánsson: Ekki kjósa íhaldið!
• Guðrún María Óskarsdóttir.: Stormur í vatnsglasi ?