Samfylking þvælst fyrir álveri

„Það er dapurt að iðnaðarráðherra hafi komið til Húsavíkur án þess að færa heimamönnum nein önnur tíðindi en þau að það eigi enn á ný að finna eitthvað annað en álver,“ segir Höskuldur Þórhallsson, þingmaður framsóknar, um fund ráðherra með Húsvíkingum um álver á Bakka. Töfin kosti milljarðatugi.

„Þetta gerði ráðherra jafnvel þó hagkvæmnirannsóknir sýni að álver sé langhagkvæmasti kosturinn í stöðunni. Sú niðurstaða lá reyndar fyrir fyrir nokkrum árum þegar sveitarstjórnir á svæðinu ákváðu að leggja út í þetta verkefni. Það eina sem ríkisstjórn Samfylkingarinnar hefur gert í málinu er einfaldlega að þvælast fyrir með tali um óraunhæfa og langsótta kosti sem hafa margoft verið felldir í samanburði við álver.

Niðurstaða samráðshóps sem fór og kannaði hver væri hagkvæmasta atvinnuuppbyggingin á svæðinu var sú að álver kæmi best út.

Ég velti líka fyrir mér hvað þessi töf hefur kostað fyrir samfélagið vegna þess að ASÍ gaf út að tafir við álverið í Helguvík hafi kostað þjóðina eitthvað um 35 milljarða króna. Þannig að það má ætla að þessi töf hafi kostað annað eins.“

Höskuldur Þórhallsson.

• 1 blogg um fréttina

Bloggað um fréttina

• Ólafur Ingi Hrólfsson: Var Höskuldur erlendis ??