Öll gengistrygging ólögleg

Sverrir Vilhelmsson

Samkvæmt dómi Hæstaréttar Íslands sem gekk fyrr í dag er öll gengistrygging lánsfjár óheimil, ekki aðeins gengistrygging þeirra lána sem um var að ræða í þeim málum sem dæmd voru. Hefur Hæstiréttur þannig tekið af allan vafa um það hvort heimilt sé að binda skuldbindingar í íslenskum krónum við dagsgengi erlendra gjaldmiðla.

Felur dómurinn í sér afdráttarlaust fordæmi um aðra samninga sem kveða á um gengistryggingu.

Í reifun á dómi í máli Lýsingar hf. á vef Hæstaréttar segir orðrétt:

„Talið var að vilji löggjafans kæmi skýrlega fram í því að í orðum 13. og 14. gr. laga nr. 38/2001 væri eingöngu mælt fyrir um heimild til að beita tilteknum tegundum verðtryggingar, en þar væri ekkert rætt um þær tegundir sem óheimilt væri að beita. Lög nr. 38/2001 heimiluðu ekki að lán í íslenskum krónum væru verðtryggð með því að binda þau við gengi erlendra gjaldmiðla.“

mbl.is

Bloggað um fréttina

Fleira áhugavert
Fleira áhugavert