Vel gengur að binda jarðveg við strendur Hálslóns

Tilraunir með bindingu jarðvegs við Hálslón fara nú fram við strandlengju lónsins. Jarðvegsbinding er hluti af samfelldum aðgerðum Landsvirkjunar til þess að koma í veg fyrir áfok úr Hálslóni.

Fram kemur á vef Landsvirkjunar að jarðvegsbindingu á austurströnd lónsins hafi lokið nú í vikunni. Á næstu dögum fari fram jarðvegsbinding á vesturströnd lónsins. Verkið sé unnið í samstarfi við Landgræðslu ríkisins og ýmsa sérfræðinga á sviði jarð- og verkfræði.

Þá segir að  sumar hafi jarðvegur verið bundinn á um 150 hektara svæði við Hálslón með sérstökum jarðvegsbindiefnum. Stærsta samfellda svæðið á austurströnd lónsins þar sem jarðvegur hafi verið bundinn sé frá Desjarstíflu og að Lindalæk. Einnig hafi jarðvegur verið bundin á nokkrum  smærri svæðum á ströndinni á Hálsi.

• 2 blogg um fréttina

Bloggað um fréttina

• Halldór Halldórsson: Hver verður fyrstur?
• Ómar Ragnarsson: 3% af yfirborði leirlagsins.