Líf í Lækjargötuna um jólin

Ekki hefur enn tekist að selja eignir Reykjavíkurborgar í Lækjargötu 2 og Austurstræti 22, en húsin hafa verið í sölu sl. þrjá mánuði. Einhverjar fyrirspurnir hafa þó borist vegna húsanna sem unnið hefur verið að endurbyggingu á sl. misseri.

Vinna á milli 30 og 40 manns við endurgerð húsanna þessa dagana og er nú unnið á mörgum vígstöðvum innanhúss og utan, auk þess sem hluti byggingarvinnunnar fer fram utan svæðisins. Húsin eyðilögðust í miklum eldsvoða vorið 2007.

Þó ekki hafi tekist að selja húsin virðast margir áhugasamir um að leigja þau. Svo kann líka að fara að líf verði komið í Lækjargötuna fyrir næstu jól. „Við stefnum að því að hægt verði að hefja starfsemi á fyrstu hæð Lækjargötu 2 strax í desember á þessu ári,“ segir Kristín og kveður allt benda til að það eigi að geta tekist.

„Þetta verður kannski ekki endanleg starfsemi í húsinu, en það ætti að minnsta kosti að vera eitthvert líf þar.“