Aðeins tveir litlir skaflar eru eftir í Gunnlaugsskarði í Esjunni og býst Páll Bergþórsson, fyrrv. veðurstofustjóri, við því að skaflinn verði farinn fyrir dagslok.
Snjórinn í Esjunni hverfur óvenju snemma í ár, en Páll segist aðeins vita um eitt skipti þar sem hann hvarf fyrr. Allt bendir til þess að þetta verði því tíunda árið í röð sem það er snjólaust í Esjunni og er það í fyrsta skipti sem það gerist.
Páll segir þennan áratug vera hlýjastan frá því að mælingar hófust.