„Ég á ekki von á öðru en að á þetta verði látið reyna, en jafn líklegt er að landsdómur þurfi að taka afstöðu til þess almennt hvort ákvörðun um málshöfðun og kosning saksóknara hafi verið í samræmi við lög," segir Andri Árnason, lögmaður Geirs H. Haarde, fv. forsætisráðherra, en forseti Alþingis hefur svarað bréfi Andra þar sem gerðar eru athugasemdir við málsmeðferð Alþingis í máli Geirs.

Telur Andri að falla eigi frá málshöfðun þar sem saksóknarar hafi ekki verið kosnir á sama löggjafarþingi og samþykkt var að ákæra Geir. Málsmeðferðin samrýmist ekki 13. grein laga um landsdóm frá árinu 1963.

„Það getur verið slæmt fordæmi vegna hugsanlega komandi landsdómsmála, ef engin tímamörk eru á kosningu saksóknara, gagnstætt orðalagi ákvæðisins í landsdómslögunum. Þá gæti slík kosning dregist, jafnvel um óskilgreindan tíma," segir Andri og útilokar heldur ekki að landsdómur geti tekið þetta mál upp að eigin frumkvæði.

Tengdar fréttir

Landsdómur

Biðst afsökunar á sínum hlut í Landsdómsmálinu

• Vill að þingið biðji ráðherra afsökunar
• Tenging við Pólland langsótt
• Á von á skiptum skoðunum
• Alþingi álykti að málshöfðun hafi verið röng

» Fleiri tengdar fréttir

• 3 blogg um fréttina

Bloggað um fréttina

• Þorsteinn H. Gunnarsson: Meðferð ráðherravalds
• Jóhannes Laxdal Baldvinsson: Baugsmálið í nýrri uppfærslu?
• Guðrún María Óskarsdóttir.: Aukaatriði, aðalatriði er það að stjórnmálamenn beri ábyrgð athafna sinna …