100 herbergja hótel í Hveragerði

Stjórn Náttúrulækningafélags Íslands hefur samþykkt að sækja um leyfi fyrir hótelrekstri í húsakynnum Heilsustofnunar NLFÍ í Hveragerði. Þetta kemur fram á fréttavefnum sunnlenska.is.

Ingi Þór Jónsson, markaðsstjóra Heilsustofnunarinnar, segir í samtali við Sunnlenska að ætlunin sé að reka hótel þar í tvo mánuði í sumar, en í ljósi niðurskurðar á fjárlögum hafi verið fyrirséð að hælinu yrði lokað í tvo mánuði.

Þá kemur fram að ætlunin sé að reka hótelið frá 20. júní til 20. ágúst og verði 100 herbergi í boði á þessum tíma.

Að sögn Inga Þórs verður boðið upp á gistingu, mat, baðaðstöðu og afþreyingu. Gert er ráð fyrir að stofna sérstakt rekstrarfélag utan um hótelreksturinn sem leigir aðstöðuna af NLFÍ.

• 1 blogg um fréttina

Bloggað um fréttina

• Haraldur Haraldsson: 100 herbergja hótel í Hveragerði////það er leynt og ljós ráðist …