Sjálfstæðisflokkurinn gagnrýndur
Setja bókamerki
Sjálfstæðisflokkurinn og formaður hans eru gagnrýndir harðlega í leiðara Morgunblaðsins í dag fyrir að styðja frumvarp um nýjan Icesave-samning.
„Formaður Sjálfstæðisflokksins hefur skyndilega ákveðið að verða vikapiltur Steingríms J. í málinu. Ekki hefur fengist nein haldbær skýring á þeirri breytingu á afstöðu hans og hvers vegna hann ákveður að gefa landsfundi flokks síns langt nef. Sjálfstæðismenn eru agndofa," segir m.a. í leiðaranum.
Níu þingmenn flokksins greiddu frumvarpinu atkvæði eftir aðra umræðu á Alþingi í gær. Einn greiddi atkvæði á móti og fjórir sátu hjá.
„Á almanna vitorði er að þingflokkur sjálfstæðismanna er enn án sjálfstrausts og ekki til stórræðanna. Það er þó óþarfi. Þeir eru í stjórnarandstöðu gagnvart einni verstu stjórn sem í landinu hefur setið. Stjórn sem klúðrar öllu. Eftir hvert klúður gerir forsætisráðherrann hróp að Sjálfstæðisflokknum, hrakyrðir hann og uppnefnir. Þegar ofsinn rjátlast af þá kallar sami ráðherra á forystumenn Sjálfstæðisflokksins í sín hús til að láta þá gera fyrir sig viðvik. Og alltaf mæta þeir trítlandi. Hvers vegna? Hvað er eiginlega að?" segir í niðurlagi leiðarans.
Rannsaka drómasýki í hestum
Myndskeið: Hátt í 140 lömb á tveimur sólarhringum
Húsnæðisstuðningur framlengdur til áramóta
Þakklátur Kínverjum fyrir friðarumleitanir
„Mjög miður að af þessu hljótist kostnaður“
Um 70 jarðskjálftar í kvikuganginum
Fordæmir leyndarhyggju í skólamálum
Kostnaðurinn nemur allt að þremur milljörðum