Skandia frá í dag vegna bilunar
Dýpkunarskipið Skandia hefur verið til viðgerðar í Vestmannaeyjum í dag.
Setja bókamerki
Dýpkunarskipið Skandia hefur ekki unnið að dýpkun í Landeyjahöfn í dag vegna bilunar. Aðstæður við Landeyjasand hafa verið ákjósanlegar í dag og ölduhæð innan við einn meter hjá báðum Bakkafjöruduflum.
Hjá Íslenska gámafélaginu, sem annast dýpkunarverkefnið, fengust þær upplýsingar að Skandia hafi bilað um tíuleytið í morgun. Þá brotnaði dælurörið. Farið var til Vestmannaeyja þar sem unnið var að viðgerð í allan dag.
Ætlunin var að senda skipið aftur af stað um klukkan 19.00 í kvöld. Vindur hefur verið norðlægur en spáð er að hann snúist í nótt og verði suðlægur á morgun. Um hádegi á morgun er spáð SV 16 m/s á Stórhöfða í Vestmannaeyjum og að hvessi þegar líður á daginn.
14 til 17 milljarða kr. tap vegna skerðinga
Mennirnir í haldi lögreglunnar á Suðurnesjum
Vantar fólk: „Þetta er gaman en það er ekki nóg“
„Mjög miður að af þessu hljótist kostnaður“
Kostnaðurinn nemur allt að þremur milljörðum
Tímaspursmál hvenær framleiðslu verði hætt
Opin fyrir almennri kosningu biskups