Kajakmenn komust fyrir Font en urðu að snúa við

Kajakmennirnir Riaan Manser og Dan Skinstad þurfa oft að kljást við öldur og brimrót á leið sinni umhverfis landið sem hófst 27. mars frá Húsavík.

Félagarnir, sem notast við tveggja manna kajak, ætluðu að komast til Vopnafjarðar í gær. Þeir náðu að róa fyrir Font á Langanesi en sneru síðan við vegna þess hve veður og sjólag var slæmt.

Í umfjöllun um ferðalag þetta í Morgunblaðinu í dag kemur fram, að þeir hafi hvílt sig  vel í gær á Þórshöfn en leggi aftur í hann þegar betur viðrar.