Stjórnlaganefnd fram úr áætlun

Kostnaður við stjórnlaganefnd fór rúmum fimm milljónum fram úr áætlunum. Kemur þetta fram í svari fjármálaráðherra við fyrirspurn Guðlaugs Þórs Þórðarsonar, þingmanns Sjálfstæðisflokks, á Alþingi í dag.

Vildi Guðlaugur fá að vita hver heildakostnaður við stjórnalaganefnd sem kosin var af Alþingi í júní 2010 var miðað við þær áætlanir sem gerðar voru. Lauk störfum nefndarinnar í apríl á þessu ári þegar hún skilaði stjórnlagaráði skýrslu.

Í svarinu kemur fram að áætlaður kostnaður hafi verið 31,1 milljón króna. Heildarkostnaður við hana hafi á endanum orðið 36,1 milljón króna. Í svari Steingríms J. Sigfússonar, fjármálaráðherra, er kostnaður svo sundurliðaður. Kemur þar fram að greiðslur til nefndarinnar ásamt launatengdum gjöldum hafi numið 21,4 milljónum.

Svar fjármálaráðherra um kostnað við stjórnlaganefnd.

• 1 blogg um fréttina

Bloggað um fréttina

• Haraldur Haraldsson: Stjórnlaganefnd fram úr áætlun///Hvað fer ekki í umfram kostnað????