Bíll valt í Draugahlíðarbrekku

Pallbíll fór út af veginum í Draugahlíðarbrekku, ofan við Litlu Kaffistofuna, í morgun. Tilkynnt var um óhappið klukkan 7.23 í morgun. Sjúkrabíll fór á staðinn en ökumaðurinn, sem var einn í bílnum, taldi sig vera óskaddaðan.

Hálka hafði myndast í brekkunni frá því fyrr um morguninn og er óhappið rakið til hennar. Bíllinn tók að rása og rakst utan í vegrið áður en hann rann út af veginum og valt á vinstri hlið. Bíllinn var fluttur af staðnum með dráttarbifreið.

• 1 blogg um fréttina

Bloggað um fréttina

• Ómar Ragnarsson: Brekkan, sem aldrei þurfti að vera.