Innlent | mbl | 15.3.2012 | 21:12 | Uppfært 16.3.2012 14:43

Breskir þingmenn með ranghugmyndir um Icesave

Reuters

Talsverðar umræður sköpuðust meðal annars um Icesave-deiluna á Evrópuþinginu í gær þegar afgreidd var ályktun þar sem lýst var yfir stuðningi við inngöngu Íslands í Evrópusambandið.

Ekki virtust þó allir þeir þingmenn sem tóku þátt í umræðunni vera með staðreyndir málsins á hreinu og má þar nefna bresku þingmennina Charles Tannock og David Campbell Bennerman en þeir eru báðir í breska Íhaldsflokknum.

Þannig greinir fréttavefur breska dagblaðsins Independent frá því í gær að Tannock hafi haldið því fram að Hæstiréttur Íslands hafi viðurkennt skyldu Íslendinga til þess að greiða fyrir Icesave-innistæðurnar.

Þarna er væntanlega átt við staðfestingu Hæstaréttar síðastliðið haust á gildi neyðarlaganna sem sett voru í kjölfar bankahrunsins í byrjun október 2008. Hún fól þó á engan hátt í sér að Ísland bæri ábyrgð á innistæðunum.

Bennerman hélt því hins vegar fram í umræðunni að óþarfi væri að beita umsókn Íslands um inngöngu í Evrópusambandið til þess að setja þrýsting á Íslendinga enda hefði EFTA-dómstóllinn þegar úrskurðað að Ísland ætti að greiða fyrir Icesave.

EFTA-dómstóllinn hefur þó enn ekki fellt neinn dóm í málinu en Eftirlitsstofnun EFTA hefur hins vegar höfðað mál gegn Íslandi vegna Icesave-deilunnar og haldið því fram að Íslendingar eigi að greiða fyrir Icesave-innistæðurnar.

Innlent »

Þyrlan tekur þátt í leitinni

15:01 Hópar úr björgunarsveitum á Suðurlandi eru nú við leit á Fimmvörðuhálsi að franska ferðamanninum sem sagt var frá fyrr í dag. Náðst hefur eitthvað samband við manninn en þó það takmarkað að staðsetning liggur ekki fyrr. Þyrlan mun taka þátt í leitinni. Meira

Börnin söfnuðu yfir 8 milljónum króna

14:49 Söfnuninni Börn hjálpa börnum er lokið og hefur nú verið talið úr öllum baukum barnanna. Alls tóku 2280 nemendur þátt í söfnuninni úr 89 grunnskólum og söfnuðu þeir samtals 8.303.567 krónum. Meira

Sjö komust áfram í Íslandsmótinu í kotru

14:26 Undanrásir fyrir Íslandsmótið í kotru fóru fram í gærkvöld í Hörpu þar sem 17 keppendur börðust um þau sjö sæti sem laus voru í úrslitin. Meira

Kynhneigð skiptir ekki máli í skátunum á Íslandi

14:15 Bandalag íslenskra skáta fagnar niðurstöðu kosningar um aðild samkynhneigðra að bandarísku drengjaskátasamtökunum Boy Scouts of America. Meira

Fjölgun í Landnámsdýragarinum

13:31 Geitin Freyja bar tveimur kiðlingum í Landnámsdýragarðinum í Reykjanesbæ í gær um hádegisbil. Faðirinn er Herkules. Fengu kiðlingarnir nöfnin Magni og Móði. Meira

Fyrsti ríkisstjórnarfundurinn

Ný ríkisstjórn kom saman á fundi í Stjórnarráðinu í dag

13:24 Fyrsti fundur nýrrar ríkisstjórnar Íslands hófst klukkan 13 í Stjórnarráðinu en ráðherrar tóku við lyklum ráðuneyta síðdegis í gær og í morgun. Meira

Sjö skólar sameinast um fjarnám

13:36 Sjö framhaldsskólar á landsbyggðinni hafa ákveðið að bjóða sameiginlega upp á fjarnám með áherslu á starfsnám. Meira

Vélarvana báti komið til aðstoðar

13:25 Rétt fyrir klukkan eitt í dag var björgunarbáturinn Þórður Kristjánsson kallaður út frá Reykjavík til aðstoðar bát sem er vélarvana innst í Hvalfirði. Bátnum tókst að koma út rekakkeri svo enginn hætta er á ferðum. Meira

2½ tíma seinkun vélar Icelandair

13:18 Vél Icelandair frá Keflavíkurflugvelli til Heathrow varð fyrir 2½ tíma seinkun í morgun vegna lokunar flugvallarins í London. Vél þurfti að nauðlenda á Heathrow og var öllu flugi aflýst í um tvær klukkustundir. Meira

Leit á Fimmvörðuhálsi

13:11 Fyrir rúmum hálftíma voru björgunarsveitir í Vík, Hvolsvelli, Landeyjum, undir Eyjafjöllum og frá Hellu kallaður út til leitar að manni á Fimmvörðuhálsi. Meira

Jafnréttismál á réttri leið en þó má bæta um betur

Í skýrslunni er m.a. fjallað um hversu áhrifamikil íslenska kvennahreyfingin hefur verið í áratugi.

13:06 Ríkisstjórn Jóhönnu Sigurðardóttur kom á ýmsum bótum í jafnréttismálum á kjörtímabili sínu, m.a. kynjaðri hagstjórn og kynjakvótum í stjórnum fyrirtækja. En þó að reglur og lög séu til staðar er ekki þar með sagt að jafnrétti sé meðal borgaranna í raun. Nefnd á vegum Sameinuðu þjóðanna hvetur nýja ríkisstjórn til að halda áfram á þeirri braut sem mörkuð hefur verið á undanförnum árum og ljúka þeirri vinnu sem þegar er hafin á sviði jafnréttismála. Meira

Brennuvargs leitað

13:02 Ummerki á vettvangi benda til þess að um innbrot og íkveikju hafi verið að ræða þegar eldur kom upp í vinnusal Bláfells ehf. á Suðurnesjum í vikunni. Við íkveikjuna var notaður eldfimur vökvi, sem var fyrir í húsnæðinu og var notaður við smíðar plastbáta, sem fyrirtækið annast. Meira

Friðun Fríkirkjuvegar á byrjunarreit

Húsið reisti athafnamaðurinn Thor Jensen á árunum 1907-1908 og var það á sínum tíma glæsilegasta ...

13:00 Ákvörðun um friðun á innra byrði Fríkirkjuvegar 11 í Reykjavík skal endurupptekin. „Menntamálaráðuneytið ákvað að málið yrði tekið upp aftur. Að okkar mati voru ýmsir ágallar á málsmeðferðinni og ráðuneytið virðist sama sinnis,“ segir talsmaður Björgólfs Thors Björgólfssonar. Meira

Missti bifreiðina út í Norðurá

12:58 Rétt um hálfeitt í dag voru björgunarsveitir í Skagafirði kallaðar út þar sem tilkynning barst um að bíll hefði lent út í Norðurá, vestan Öxnadalsheiðar. Tókst að bjarga ökumanni bifreiðarinnar út úr bílnum og virðist hann vera óslasaður. Meira

Heimilt að bera fólkið út

12:45 Dómari við Héraðsdóm Reykjaness staðfesti í dag að Landsbankinn geti látið bera fólk út úr húsnæði sem það átti áður en bankinn eignaðist á nauðungarsölu. Hafði fólkið ekki greitt húsaleigu frá því í fyrra. Meira

Þorgerður Katrín til SA

13:00 Þorgerður Katrín Gunnarsdóttir hefur verið ráðin forstöðumaður nýs mennta- og nýsköpunarsviðs Samtaka atvinnulífsins. Stofnun menntasviðs er liður í aukinni áherslu Samtaka atvinnulífsins á menntamál og nýsköpun. Þetta kemur fram á heimasíðu félagsins. Meira

Góður gangur í karfaveiðum

12:52 Frystitogarinn Barði NK hélt til úthafskarfaveiða á Reykjaneshrygg hinn 8. maí sl. og hefur skipið aflað mjög vel, samkvæmt frétt á vef Síldarvinnslunnar. Meira

Ganga gegn Monsanto á Austurvelli

12:33 Búið er að boða til mótmæla gegn fyrirtækinu Monsanto á Austurvelli í Reykjavík en þau eru hluti af alþjóðlegum mótmælagöngum sem fara fram á morgun um allan heim. Er yfirgangi Monsanto í heiminum mótmælt sem og reglugerðarleysi er snertir efðabreyttar matvörur. Meira