„Er samfélag okkar virkilega búið að stíga yfir þennan þröskuld?“ spyr Sigurður Ingi Jóhannsson, þingmaður Framsóknarflokksins, á Facebook-síðu sinni í dag í tilefni af fréttum af því að Ögmundar Jónassonar, innanríkisráðherra, og Steingríms J. Sigfússonar, efnahags- og viðskiptaráðherra, sé nú gætt af lífvörðum.
Sigurður spyr hvort ekki sé rétt að reyna allt til þess að stíga til baka í þeim efnum. „Fáum til baka samfélag samkenndar og kristins siðferðis. Við erum öll tengd og vensluð með einum eða öðrum hætti - fjölskylda og vinir. - Afneitum ofbeldi.“
Facebook-síða Sigurðar Inga Jóhannssonar