Fer fram á sextán ára fangelsi

Guðgeir Guðmundsson leiddur í dómssal í morgun.
Guðgeir Guðmundsson leiddur í dómssal í morgun. mbl.is

Sigríður J. Friðjónsdóttir ríkissaksóknari fór í dag fram á sextán ára fangelsi yfir Guðgeiri Guðmundssyni sem ákærður er fyrir tilraun til manndráps. Hún sagði hreint ótrúlegt að fórnarlamb Guðgeirs, Skúli Eggert Sigurz, hefði lifað atlögu hans af. Allt hefði gengið upp sem gat gengið upp.

Aðalmeðferð yfir Guðgeiri lauk á fjórða tímanum í dag en hann játaði að hafa ráðist á Skúla Eggert á skrifstofu hans að morgni 5. mars sl. og stungið hann fimm sinnum með hníf. Einnig að hafa veitt Guðna Bergssyni tvö stungusár.

Þrátt fyrir játningu hafnar Guðgeir því að til hafi staðið að bana Skúla. Verjandi hans, Brynjólfur Eyvindsson, sagði við málflutning í dag, að því væri ekki rétt að ákæra hann fyrir tilraun til manndráps. Um væri að ræða sérstaklega hættulega líkamsárás. Að því sögðu hafnaði hann kröfu ríkissaksóknara um 16 ára fangelsi og sagði fimm ára fangelsi hæfilegt.

Þá krafðist Brynjólfur sýknu fyrir skjólstæðing sinn af ákæru um stórfellda líkamsárás á Guðna Bergsson. Sagði hann Guðgeir hafa stungið Guðna óvart og enginn ásetningur hefði legið þar að baki.

Þaulskipulögð atlaga að saklausum manni

Áður en að Brynjólfi kom fór Sigríður yfir kröfur ákæruvaldsins. Hún sagði að um efsta stig ásetnings væri að ræða og Guðgeir ætti sér hvorki málsbætur né ætti nokkuð að koma til refsilækkunar. Hún vísaði í nýlegt dómafordæmi þar sem karlmaður var dæmdur í 14 ára fangelsi fyrir tilraun til manndráps. Í þessu máli væru fórnarlömbin tvö og nokkrir aðrir þættir kæmu til refsihækkunar.

Sigríður sagði Guðgeir hafa ákveðið það um það bil viku áður að hann ætlaði að fara á þessa tilteknu lögmannsstofu og valda þar skaða. Var það vegna bréfs sem hann fékk um að til stæði að bjóða upp íbúð hans, vegna útistandandi skulda. Þá hefði Guðgeir lýst því að kvöldið áður hefði hann ákveðið að taka með sér hníf. Hann hefði farið til vinnu með hnífinn en fengið að skreppa frá.

Rétt fyrir klukkan tíu mætti Guðgeir á lögmannsstofuna. Skúli sem var á leið út tekur eftir honum á ganginum og býður inn á skrifstofu. Þar fer Skúli yfir mál hans, býður þrjátíu þúsund króna afslátt af áttatíu þúsund króna kröfu og skrifar Guðgeir undir það. Skúli stendur upp og býður fram hönd sína. Guðgeir tekur í hana en fer um leið með vinstri hönd ofan i úlpuvasa, nær í flugbeittan hníf með 13 cm blaði og stingur Skúla í síðuna.

Sigríður sagði það hafa verið úthugsað hjá Guðgeiri að geyma hnífinn í vasa vinstra megin á úlpu sinni til þess einmitt að beita honum við aðstæður sem þessar.

Skúli finnur ekki fyrir stungunni en sér að honum er farið að blæða. Hann spyr Guðgeir hvað hann sé að gera og svarar hann því til að hann hati lögfræðinga. Skúli segir honum að hann sé ekki lögfræðingur og við það æsist Guðgeir ennþá frekar.

Guðgeir stakk Skúla fimm sinnum og voru fjórar stungurnar taldar lífshættulegar. Áverkarnir voru mjög djúpir eða allt að 15 cm og því ljóst að Guðgeir beitti miklu afli. Sigríður sagði það með hreinum ólíkindum að Skúli hefði lifað atlöguna af. Og Guðgeiri mátti ekki aðeins vera það ljóst að bani gæti hlotist af heldur væri það líklegast.

Hún sagði Guðgeir hafa reynt að fá útrás fyrir reiði sína og Skúli orðið fyrir. Ef Guðni Bergsson hefði ekki komið að í miðri atlögunni væri ekki víst að Skúli hefði getað gefið skýrslu fyrir dómi.

Sjálfsvígshugsanir breyttust í reiði

Brynjólfur sagði að rekja mætti atlöguna til uppsafnaðrar reiði, vegna skulda hans og reiði vegna almenns ástands í þjóðfélaginu. Þá mætti rekja hana að miklu leyti til eineltis sem hann hefði orðið fyrir í æsku, á meðan hann stundaði nám í Grindavík.

Hann sagði Guðgeir lítið hafa sofið vikurnar fyrir árásina og sjálfsvígshugsanir hefðu sótt á hann vikuna áður sem hefðu breyst í reiði. Nóttina fyrir árásina hefði hann aðeins sofið um klukkustund og því var hann almennt í mjög slæmu hugarástandi.

Brynjólfur hafnaði því alfarið að ásetningur hefði staðið til að deyða heldur aðeins meiða. Þetta fengi stoð í framburði hans sjálfs hjá lögreglu þegar hann fékk að vita um líðan Skúla, og að honum liði betur. Þá sagði Guðgeir það gott að heyra.

Þá benti hann á að Guðgeir tæki ábyrgð á gjörðum sínum, en færi fram á að litið væri til þess við ákvörðun refsingar í hvaða ástandi hann var. Þá hefði hann ekki sýnt mótþróa við handtöku og sýndi merki iðrunar.

Brynjólfur sagði Guðgeir hafna bótakröfum í málinu en gaf engar sérstakar ástæður fyrir því.

mbl.is

Innlent »

Eldur í ruslagámi á Seltjarnarnesi

21:54 Slökkviliðið á höfuðborgarsvæðinu var kallað út á tíunda tímanum í kvöld eftir að tilkynnt var um eld í ruslagámi á Seltjarnarnesi. Meira »

Drógu vin sinn upp úr tjörninni

21:45 Lögreglan á Suðurnesjum varar við ótraustum ís á tjörnunum í Reykjanesbæ. Birti lögreglan í dag á Facebook-síðu sinni frásögn af 11 ára dreng sem datt ofan eina af tjörnunum, eftir að skilaboð bárust frá áhyggjufullu foreldri í bænum. Meira »

Samningar náðust ekki í kvöld

21:30 Fundi Flugvirkjafélags Íslands og Samtaka atvinnulífsins, vegna flugvirkja hjá Icelandair, lauk í kvöld án þess að samningar næðust. Gunnar R. Jónsson, formaður samninganefndar flugvirkja, sagði þó einhverjar þreifingar vera í gangi á milli manna þegar mbl.is ræddi við hann á tíunda tímanum í kvöld. Meira »

Níræð hjón gætu tapað draumasiglingunni

21:08 „Það er töluverður fjöldi sem hefur verið að hafa samband, enda vorum við að upplýsa alla okkar farþega um stöðuna í dag, um yfirvofandi verkfall,“ segir Ingibjörg Ásdís Ragnarsdóttir, forstöðumaður notenda- og þjónustuupplifunar hjá Icelandair. Meira »

Enginn fékk milljarðana 2,6

20:56 Fyrsti vinn­ing­ur í Eurojackpot gekk ekki út í kvöld en rúm­lega 2,6 millj­arðar króna voru í pott­in­um. Annar vinningur gekk heldur ekki út að þessu sinni, en hann hljóðaði upp á tæpar 170 milljónir króna. Meira »

„Góður fjölskyldufagnaður“

20:47 Senn líður að besta eða versta tíma ársins í matargerð á Íslandi, eftir því hver á í hlut, en það er Þorláksmessan. Þá er gjarnan tekið forskot á jólahátíðina og slegið upp veislu þar sem kæst skata og tindabikkja er borin á borð. Meira »

Þöggun beitt gegn starfsfólki spítalans

20:28 Gunnar Bragi Sveinsson, þingmaður Miðflokksins, sagði í umræðu um fjárlagafrumvarpið í dag að þöggun væri beitt gegn starfsfólki Landspítalans. Hann sagði að starfsfólk mætti ekki tjá sig um nýjan Landspítala á nýjum stað. Gunnar sagði þetta hafa komið fram á fundi um spítalann sem haldinn var í Norræna húsinu í kosningabaráttunni. Meira »

„Svo fylgdi Hofsjökull með í pakkanum“

20:44 Guðni A. Jóhannesson Orkumálastjóri leggur til að aðgengi að fjölsóttum og viðkvæmum ferðamannastöðum verði takmarkað við lestarsamgöngur í jólaerindi sínu til starfsmanna. Hann telur heldur ekki nægar hömlur settar á notkun díselbílar og skammast yfir notkun þeirra í íslenskri náttúru. Meira »

Fyrstu umræðu um fjárlög lokið

20:18 Fyrstu umræðu um fjármálafrumvarpið er lokið á Alþingi, en henni lauk klukkan rétt rúmlega átta í kvöld. Frumvarpið gengur nú til fjárlaganefndar og annarrar umræðu. Bjarni Benediktsson fjármálaráðherra tók til máls við lok umræðunnar og sagði að honum hefði þótt málefnalega farið yfir frumvarpið. Meira »

U-beygja um samning sjúkrabíla

20:00 „Fyrir rúmu ári síðan var nýr samningur í lokayfirlestri en þá kom u-beygja frá velferðarráðuneytinu um að bílarnir skyldu vera í eigu ríkisins. Þeir eru og hafa verið í eigu sjúkrabílasjóðs Rauða krossins. Staðan er sú að ekki er komin lausn í það mál.“ Þetta segir starfsmaður Sjúkratrygginga Íslands. Meira »

Ákvað að hafa ást frekar en reiði

19:15 „Ég held að almættið hafi komið því svo fyrir að við mamma vorum mikið saman þrjá síðustu dagana í lífi hennar. Þannig fannst mér mamma vera að segja „Ég elska þig“, en samband okkar mömmu í gegnum tíðina var stundum erfitt. Meira »

Samkennari beið á nærbuxum uppi í rúmi

18:57 „Í starfsmannaferð erlendis var veskistöskunni stolið, seint um árshátíðarkvöld. Ég fæ lobbystrákinn til að fylgja mér og opna fyrir mér þar sem lyklarnir voru í veskinu. Þar bíður samkennari á nærbuxunum, uppi í rúmi, án sængur, hvítvín bíðandi á borðinu.“ Meira »

Enn vanti nokkuð upp á

18:38 Páll Matthíasson, forstjóri Landspítalans, segir ljóst að þrátt fyrir stuttan tíma hafi nýjum ráðherra heilbrigðismála tekist að setja mark sitt á fjárlagafrumvarpið sem lagt var fram á Alþingi í gær. Meira »

Nýr vígslubiskup kosinn í mars

17:19 Kjörstjórn þjóðkirkjunnar hefur ákveðið að endurtaka tilnefningu til vígslubiskups í Skálholti í febrúar og að kosið verði á ný í mars á næsta ári. Frá þessu er greint í fréttatilkynningu frá þjóðkirkjunni. Meira »

Forstjóra Landspítala misboðið

16:37 Í nýjum pistli Páls Matthíassonar, forstjóra Landspítalans, segir hann ofbeldi gagnvart konum ólíðandi ósóma og smánarblett. Hann segir alls ekki koma á óvart að slíkt hafi viðgengist í heilbrigðisþjónustunni, enda sé þar samfélag líkt og á öðrum vinnustöðum. Meira »

Bíða með ákvörðun um kostamat

17:23 Hreppsnefnd Árneshrepps ákvað á fundi sínum í dag að fresta því að taka ákvörðun um hvort ráðist verði í kostamat á virkjun innan sveitarfélagsins annars vegar og stofnun þjóðgarðs eða verndarsvæðis hins vegar. Meira »

Elliði vill leiða áfram í Eyjum

16:55 Elliði Vigfússon, bæjarstjóri í Vestmannaeyjum, tilkynnti í dag á vef sínum Ellidi.is að hann gefi áfram kost á sér til að leiða lista Sjálfstæðisflokksins í Eyjum. „Undanfarið hef ég eytt talsverðum tíma í að líta yfir farinn veg og hugsa um framtíðina,“ segir Elliði á vef sínum. Meira »

Komst upp með að nauðga nemanda

16:13 „Ég starfaði einu sinni við framhaldsskóla þar sem kennari nauðgaði nemanda, utan skólatíma. Skólastjóra var gert viðvart en kennarinn var ekki kærður fyrir verknaðinn.“ Svona hefst frásögn konu innan menntageirans sem greinir frá því að samstarfsmaður hennar hafi komist upp með að nauðga nemanda. Meira »

Börnin sem kerfið gleymdi

UHD skjáir ( 4k )
Upplýsingar gefur Ólafur hjá Varmás ehf. sími 566 8144 ...
MAZDA 3 - Ný skoðaður - Ekinn aðeins 74 þús.
Til sölu MAZDA 3 árg. 2004. Sjálfskiptur. Ekinn aðeins 74 þúsund km. Bíllinn lít...
Sólin er kl. 7 á Hreiðarsstaðafjallinu
Bók sem leynir á sér eftir Jóhannes Sigvaldason úr Svarfaðardal. Norðlenski húmo...
 
Onrs- 2017- 19 ræstingaþjónusta
Tilboð - útboð
/ 14.12.2017 Útboð Orka náttúrunna...
L helgafell 6017121319 vi
Félagsstarf
? HELGAFELL 6017121319 VI Mynd af au...
Félagsastarf
Staður og stund
Aflagrandi 40 Opin vinnustofa kl. 9 og s...
Land til sölu
Til leigu
Land til sölu Til sölu eða leigu 4,6 h...