Björgunarsveit flutti farþega í land

Farþegar hvalaskoðunarbáts Norðursiglingar á Húsavík voru fluttir í land á öðrum tímanum í dag eftir að drepið var á aðalvél skipsins vegna gangtruflana. Að sögn framkvæmdastjóra Norðursiglingar var aldrei hætta á ferðum en til að gæta fyllsta öryggis var björgunarsveit kölluð út.

Björgunarsveitarmenn buðust til að ferja alla níu farþega bátsins í land og var boðið þegið, því annars hefði orðið veruleg seinkun á heimkomu farþega. Skömmu eftir að farþegar voru farnir frá borði leysti áhöfn báts Norðursiglingar vandamálið og sigldi báturinn fyrir eigin vélarafli til hafnar.

• 1 blogg um fréttina

Bloggað um fréttina

• Haraldur Haraldsson: Björgunarsveit flutti farþega í land//Allt fór vel það gott!!