Vöxtum ekki breytt afturvirkt
Setja bókamerki
Hæstiréttur hefur snúið við dómi Héraðsdóms Vesturlands og viðurkennt kröfu Borgarbyggðar um endurútreikning ólögmæts gengistryggðs láns hjá Arion banka. Með honum er staðfest að ekki megi breyta vöxtum á lánunum afturvirkt og gildi samningsvextir á móti fullnaðarkvittunum.
Arion banki lét endurreikna lánið frá upphafstíma þess með vöxtum sem Seðlabanki Íslands ákveður með hliðsjón af lægstu vöxtum á nýjum almennum óverðtryggðum útlánum hjá lánastofnunum. Borgarbyggð mótmælti þessu og taldi að fullnaðarkvittun ylli því að frekari krafa glataðist, enda hefði hver og ein greiðsla á lánstímanum falið í sér fullnaðargreiðslu af hans hálfu.
Hæstiréttur komst að þeirri niðurstöðu að Arion banki gæti ekki krafið Borgarbyggð um viðbótargreiðslur vegna þegar greiddra vaxta aftur í tímann. Ekki væri með almennum lögum hægt að hrófla með afturvirkum hætti við réttarreglum um efni skuldbindinga og greiðslur skulda frá því sem var í gildi þegar til þeirra var stofnað og af þeim greitt.
Sleppt úr varðhaldi: Búið að klippa kanta á seðlum
Tók barn upp úr innkaupakerru móður
Magnús Tumi: Gýs líklega á næstu dögum
Næsta eldgos fær mikið forskot
„Miklar líkur á rýmingu á næstu sólarhringum“
Goslok hafa ekki áhrif á vinnuna
Eldgosinu er lokið
