„Þarf að muna að ég heiti Stúlka“

Blær Bjarkardóttir í dómsal í morgun.
Blær Bjarkardóttir í dómsal í morgun. mbl.is/Styrmir Kári

„Mestu vandræðin eru þegar ég þarf að skrifa undir eða fer í flug, þá þarf ég að muna að ég heiti Stúlka en ekki Blær,“ sagði 15 ára gömul stúlka, Blær Bjarkardóttir, í Héraðsdómi Reykjavíkur í morgun. Í málinu er krafist að úrskurður mannanafnanefndar um að hún megi ekki heita Blær verði ógiltur og viðurkennt að hún megi heita Blær. Þá er farið fram á 500 þúsund krónur í miskabætur.

Eins og venja er fór dómari fram á að Blær gæfi upp fullt nafn, kennitölu og heimilisfang áður en hún gaf skýrslu. Blær gaf upp nafnið Stúlka og spurði lögmaður hennar hvers vegna hún hefði gert það. „Ég myndi telja að ég þyrfti að bera fram rétt skráð nafn í dómsal,“ sagði Blær og bætti við að hún myndi gjarnan vilja heita Blær. „Það er fallegt nafn og falleg saga á bak við það. Ég fæ oft hrós fyrir nafnið.“

Arnar Þór Stefánsson, lögmaður Blævar, rakti málsatvik í upphafi ræðu sinnar. Henni var gefið nafn við skírnarathöfn í Garðabæ árið 1997 af séra Hans Markúsi Hafsteinssyni. Viku síðar kom hann að máli við foreldrana og tilkynnti þeim að nafnið Blær væri ekki skráð sem kvenmannsnafn í mannanafnaskrá og því hefðu átt sér stað mistök. Nafnið gekk því næst til mannanafnanefndar sem úrskurðaði að hún mætti ekki heita Blær þar sem það er ekki kvenmannsnafn. „Blær hefur ætíð heitið Blær innan fjölskyldu og í skóla og ekki valdið henni neinum vandkvæðum. Ef kennarar lenda ekki í vandræðum með nafnið skil ég ekki að nefndin geri það,“ sagði Arnar og að einu vandræðin tengdust greiðslukortum og vegabréfum.

Þá benti hann á að ein kona beri nafnið í þjóðskrá, Blær Guðmundsdóttir, en það fékkst skráð árið 1973. „Óréttlætið er algjört,“ sagði Arnar og einnig að það væri stjórnarskrárvarinn réttur Blævar að fá að heita nafninu. Í Íslendingabók megi finna níu konur sem vilja heita nafninu en fá það ekki skráð í þjóðskrá. Væntanlega séu það mun fleiri konur en níu hafi breytt skráningu sinni úr Stúlka.

Arnar sagði fordæmi fyrir því að bæði konur og karlar beri sama nafnið, til dæmis nafnið Júlí. Í Íslendingabók megi finna fimm karla sem bera nafnið og eina konu.

Ekki geðþótti mannanafnanefndar

Einar Karl Hallvarðsson ríkislögmaður sagði málið einfalt. Mannanafnanefnd hafi úrskurðað eftir lögum, nafnið var ekki á skrá sem kvenmannsnafn og sé ekki kvenmannsnafn. Það er karlkynsorð og sem nafn karlkynsnafn. Þá vísaði hann í athugasemdir með frumvarpi til laga um mannanöfn sem samþykkt var árið 1996 en þar er nafnið Blær tekið sem dæmi.

Í lögunum segir að stúlku skuli gefið kvenmannsnafn en dreng karlmannsnafn. Það hafi í för með sér að ekkert eiginnafn geti talist vera bæði karlmanns- og kvenmannsnafn nema hefð sé fyrir því að gefa það báðum kynjum. „Þannig er t.d. óheimilt að gefa drengjum nafnið Ilmur og stúlkum nöfnin Sturla og Blær,“ segir svo einnig.

Einar sagði að á þessu sé ljóst að löggjafinn hafni því að hefð sé komin á nafnið árið 1996, enda það tekið sem dæmi. Þá sagði hann að þó svo það beri ekki eins sterkan karlkynshljóm og mörg önnur karlkynsnöfn þá væri það stórt skref fyrir dómstólinn að ákvarða að ekkert sé því til fyrirstöðu að nafn geti bæði verið karlkynsnafn og kvenkynsnafn. Það væri frekar löggjafans að taka á slíkum málum.

Þá sagði hann það ljóst að úrskurður mannanafnanefndar hafi verið samkvæmt lögum og ekkert sem bendi til þess að hefð hafi verið komin á nafnið þegar hann var kveðinn upp. Komist dómstóllinn að þeirri niðurstöðu að Blær fái að heita Blær sé vikið frá íslenskri nafnahefð og um væri að ræða kaflaskil hvað nafngiftir varðar. 

Einar sagði ákvörðun mannanafnanefndar ekki byggða á geðþótta. „Blær er ekki framandi mannsnafn, það er bara karlmannsnafn. Það er málið.“

Björk Eiðsdóttir og Arnar Þór Stefánsson, lögmaður.
Björk Eiðsdóttir og Arnar Þór Stefánsson, lögmaður. mbl.is/Styrmir Kári
mbl.is

Bloggað um fréttina

Innlent »

Veðurviðvaranir enn í fullu gildi

07:19 Veðurstofan vekur athygli á því að viðvaranir eru í gildi víða um land fram eftir degi og austantil fram á laugardag. Útlit er fyrir norðanhvassviðri eða –stormi, næsta sólarhring með snjókomu eða éljagangi á norðan- og austanverðu landinu, roki eða jafn vel ofsaveðri suðaustantil. Meira »

„Kolófært og slæmt skyggni“

07:05 Björgunarsveitir voru ræstar út á sjöunda tímanum í morgun til að aðstoða bíl sem er fastur í nágrenni Þelamerkur í Hörgársveit. Að sögn lögreglunnar á Akureyri er kolófært og slæmt skyggni í Hörgársveit. Meira »

Bauð 676 milljónir í lóð á Kirkjusandi

06:32 Húsvirki hf. átti hæsta tilboðið í byggingarétt og kaup á íbúðum á lóðinni nr. 1 við Hallgerðargötu á Kirkjusandi. Fyrirtækið bauð 676 milljónir króna. Umhverfis- og skipulagssviðs Reykjavíkurborgar stóð að útboðinu og voru tilboð opnuð í gærmorgun. Meira »

Verbúðirnar verði friðaðar

06:28 Stjórn Faxaflóahafna hefur samþykkt að fela hafnarstjóra að leggja fram tillögu á næsta fundi stjórnar hvernig standa megi að friðun verbúðanna við Geirsgötu þar sem miðað verði við friðun á þeim reit sem húsin standa á eða ytra útliti húsanna. Meira »

Ekki ætti að kjósa um viðhaldsverkefni

06:24 „Ég tel að halda eigi áfram með þetta, en leita allra leiða til að virkja borgarbúa enn frekar til þátttöku,“ segir Halldór Halldórsson, oddviti sjálfstæðismanna í borgarstjórn Reykjavíkur, um íbúalýðræðisverkefnið „Hverfið mitt“ sem Reykjavíkurborg stóð fyrir á netinu. Meira »

Hlutfall einstaklinga í íbúðarkaupum eykst

06:18 Hlutfall einstaklinga í kaupum á íbúðarhúsnæði á höfuðborgarsvæðinu hefur farið hækkandi á síðustu misserum. Það var 93,6% á 3. ársfjórðungi í ár sem er hæsta hlutfallið síðan á 2. fjórðungi 2012. Meira »

Fékk skilorði í kannabissúkkulaðimálinu

06:09 „Ég er ekkert ósátt við dóminn, að sjálfsögðu ber ég ábyrgð á mínum gjörðum eins og annað fullorðið fólk,“ segir Málfríður Þorleifsdóttir, íslensk kona búsett í Danmörku sem í gær var dæmd í sex mánaða skilorðsbundið fangelsi fyrir aðild sína að „kannabissúkkulaðimálinu“. Meira »

Íhuga mál gegn borginni

06:12 Borgarráð Reykjavíkur samþykkti í gær deiliskipulagstillögu um Landsímareit við Austurvöll sem heimilar hótelbyggingu á reitnum. Málið fer til fullnaðarafgreiðslu á borgarstjórnarfundi 5. desember. Meira »

Greiddu offituaðgerð

06:06 Dæmi eru um að stéttarfélög hafi tekið þátt í kostnaði félagsmanna sinna við offituaðgerðir sem gerðar eru á einkareknum stofum. Verkfræðingafélag Íslands hefur greitt 2/3 af kostnaði tveggja félagsmanna við slíkar aðgerðir og fleiri stéttarfélög fá beiðnir um slíkt. Meira »

Styttist í nýja ríkisstjórn

05:30 „Við teljum að við séum að nálgast það að við getum lent þessu máli,“ segir Katrín Jakobsdóttir, formaður Vinstrihreyfingarinnar – græns framboðs, í samtali við mbl.is í gær. Meira »

Símtal Davíðs og Geirs rætt

05:30 Bankaráð Seðlabanka Íslands kom saman til fundar í gær til að ræða birtingu Morgunblaðsins á símtali Davíðs Oddssonar, þáverandi bankastjóra Seðlabankans, og Geirs Haarde, þáverandi forsætisráðherra, frá 6. október 2008. Meira »

Rafmagnslaust fyrir austan

Í gær, 23:44 Rafmagnslaust er á Egilsstöðum og Héraði. Að sögn fréttaritara mbl.is á Egilsstöðum er þar allt svart. Einu ljósin sem sjást eru frá flugvellinum og sjúkrahúsinu en gera má ráð fyrir að í þeim tilvikum sé keyrt á varaafli. Meira »

Kaup og viðgerðir kosta 7.516 milljónir

Í gær, 23:09 Það mun kosta Orkuveitu Reykjavíkur 7.516 milljónir króna, sjö og hálfan milljarð, að kaupa og lagfæra höfuðstöðvar félagsins. Þetta kemur fram í minnisblaði fjármálstjóra Reykjavíkurborgar sem lagt var fyrir borgarráð í dag. Meira »

Norðanhvassviðri og éljagangur

Í gær, 21:11 Veðurstofan vekur athygli á því að appelsínugul og gul viðvörun er í gildi víða um land og gilda þær fram eftir föstudegi. Snjókoma eða slydda er á norðanverðu landinu og er vegum víða um land lokað vegna slæmrar færðar og veðurs. Meira »

„Búið að vera gaman allan tímann“

Í gær, 20:30 Söngleikurinn Móglí verður frumsýndur í Borgarnesi á morgun í tilefni af 50 ára afmæli Tónlistarskóla Borgarfjarðar. Um 50 börn og fullorðnir sem hafa æft síðan í ágúst taka þátt í sýningunni. Halldóra Rósa Björnsdóttir leikkona leikstýrir verkinu. Meira »

Nokkrir bílar út af við Bólstaðarhlíð

Í gær, 21:50 Flutningabifreið með tengivagn valt út af veginum í Bólstaðarhlíðarbrekku nú í kvöld. Ökumanninn sakar ekki, samkvæmt upplýsingum frá lögreglu. Í það minnsta tveir aðrir bílar hafa farið út af veginum í brekkunni og þar eru fleiri bílar í vandræðum. Meira »

„Hvenær missir forsetinn þolinmæðina?“

Í gær, 20:45 Logi Einarsson, formaður Samfylkingarinnar, veltir því fyrir sér á Facebook-síðu sinni í dag hvers vegna fulltrúar flokkanna sem hafa tekið þátt í báðum stjórnarmyndunarviðræðum eftir kosningar gefi sér mun lengri tíma núna en þegar stjórnarandstöðuflokkarnir fengu umboðið. Meira »

Ítölsk hjartahlýja við Laugaveg

Í gær, 19:59 Á bakka í glerborði liggja bústnar og ávalar kryddpylsur. Þær fá félagsskap af handlöguðu pasta sem er sérinnflutt frá Ítalíu og vel þroskuðum osti sem er kominn langt fram á leikskólaaldur. Meira »

Mátturinn eða dýrðin - Greinaflokkur

HÚSAVIÐGERÐIR
Viðgerðir og viðhald fasteigna er okkar fag. Húsaklæðning ehf. hefur í áratugi ...
www.flutningur.is 5753000 sendibilastöð
Stöðin býður upp á allar stærðir sendibíla og veitir trausta og umfram allt góð...
 
Skipulag
Tilkynningar
Borgarbyggð Skipulagsauglýsingar Sv...
L edda 6017112119 i h&v
Félagsstarf
? EDDA 6017112119 I H&V; Mynd af augl...
Samkoma
Félagsstarf
Samkoma kl. 20 í Kristniboðs- salnum. R...
Eldri borgarar
Staður og stund
Aflagrandi 40 Opin vinnustofa kl. 9 og g...